İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 276 Hüküm no: 228 Orijinal metin no: [87-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiryako v. Dimitri’nin borcunu ödemesi [Ma‘rûz] Çalıcı tâifesinden arzuhâl sâhibleri Yorgi ve Dilo veledey-i Boralcı? zimmîler meclis-i şer‘-i hatîrde kireçci esnâfından derûn-ı arzuhâlde ismi mastûr Kiryako v. Dimitri zimmî muvâcehesinde evvelen mersûm Yorgi zimmî takrîr-i kelâm edip mersûm Kiryako zimmî zimmetinde mâlımdan ve yedimden ve mâlımdan ve yedimden iştirâ ve kabz eylediği mikdâr ve fiyâtı beynimizde ma‘lûm çalı semeninden gayrı ez-teslîmât sahhe’l-bâkī bâ-tahvîl üç bin dört yüz yirmi iki guruş ve sâniyen karındaşı mesfûr Dilo zimmî takrîr-i kelâm edip benim dahi mersûm Kiryako zimmî zimmetinde mâlımdan ve yedimden iştirâ ve kabz eylediği ma‘lûmü’l- [88] mikdâr ve’l-fiyât kezâlik çalı semeninden gayrı ez-teslîmât sahhe’l-bâkī bâ-tahvîl bin altı yüz yetmiş guruş ki cem‘an beş bin doksan iki guruş alacak hakkımız olmağla hâlâ taleb ederiz deyü da‘vâ ettiklerinde mersûm Kiryako zimmî dahi cevâbında müdde‘iyân-ı mersûmâna minvâl-i meşrûh üzere cem‘an ol-mikdâr guruş el-yevm zimmetinde deyni olduğunu tâyi‘an ve kat‘iyyen ikrâr ü i‘tirâf etmeğin mûcebince meblağ-ı mecmû‘-ı merkūm beş bin doksan iki guruşun müdde‘iyân-ı mersûmân Yorgi ve Dilo zimmîlere edâsıyla mesfûr Kiryako zimmî ilzâm olunduğu İstanbul Mahkemesi’nden huzûr-ı [âlîlerine i‘lâm olundu] Fî 8 S sene [12]58