İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 280 Hüküm no: 233 Orijinal metin no: [89-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Ağa’nın borcunu ödemesi 3738,5 [guru]ş ikrârıyla hüküm [Ma‘rûz] Girid tüccârından bâ‘isü’l-i‘lâm İsmail Râif Ağa b. Habib meclis-i şer‘-i münîrde Trabzon tüccârından Süleyman Ağa b. Abdullah muvâcehesinde mezbûr Süleyman Ağa zimmetinde cihet-i karzdan üç bin yedi yüz otuz sekiz buçuk guruş alacak hakkım olup hattâ meblağ-ı merkūm cihet-i mezkûreden zimmetinde bana deyni olduğunu sene-i sâbıkā Zilhiccetü’ş-şerîfesinin yedinci günü ikrâr ve târih-i merkūm ile müverrah hâlâ şerîkim gāib ani’l-beled Babaoğlu Mehmed Ağa ismine işbu bir kıt‘a deyn tahvîlini dahi yedime vermekle meblağ-ı mezkûr üç bin yedi yüz otuz sekiz buçuk guruşu mezbûr Süleyman Ağa’dan hâlâ taleb ederim deyü da‘vâ ettikde ol dahi cevâbında kaziyye minvâl-i muharrer üzere olduğunu bi-tamamihâ tâyi‘an ve kat‘iyyen ikrâr ü i‘tirâf etmeğin mûcebince meblağ-ı merkūm üç bin yedi yüz otuz sekiz buçuk guruşun müdde‘î-i mezbûr İsmail Râif Ağa’ya edâsıyla mezbûr Süleyman Ağa ilzâm olunduğu İstanbul Mahkemesi’nden huzûr-ı [âlîlerine i‘lâm olundu] Fî 16 S. [Sefer ] sene 1258