Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 459 Hüküm no: 545 Orijinal metin no: [89b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. İsmail’in Kerime bt. Süleyman’a ait eşya, menzil ve tarlalarını iade etmesi Mahrûse-i Galata müzâfâtından Marmara nâhiyesine tâbi‘ Kalarak? nâm karye ahâlîsinden olup hâlâ İstanbul’da Ayasofya kurbunda müsâfiren sâkin Mehmed b. İsmail meclis-i şer‘-i şerîf-i enverde kız karındaşı kızı işbu bâ‘isetü hâze’l-kitâb Kerime bt. Süleyman nâm hâtun mahzarında ikrâr ve takrîr-i kelâm edip (...) mezbûr Kerime yedinde mülkü ve hakkı olup karye-i mezbûrede vâki‘ beynimizde ma‘lûmü’l-hudûd mülk menzilimiz içinde olan eşyâ-i ma‘lûmesini ve bir kıt‘a bağını ve mevâzi‘-i adîdede vâki‘ ma‘lûmü’l-hudûd mecmû‘u on sekiz keyl tohum istî‘âb eder dört kıt‘a tarlasın altmış guruş bedel mukābelesinde bana ferâğ ve tefvîz ben dahi ittihâb [90a] ve kabz ve makbûz ve kabûl etmişdim hâlâ mezbûr Kerime ukūd-ı mezkûre cümlesi benim cünûnum hâlinde vâki‘ olmuşdur deyû zikr olunan emlâk ve arâzi benden taleb ve da‘vâ etmekle beynimizde nizâ‘-ı küllî vâki‘ olmağın el-hâletü hâzihî ben hüsn-i rızâmla emlâk ve eşyâ ve zikr olunan dört kıt‘a tarladan kasr-ı yed edip ba‘de’l-yevm hibe ve tefvîz da‘vâsından fâriğ olup min ba‘d husûs-ı mezbûra müte‘allika da‘vâm yoktur dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’r-râbi‘ min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Subaşı Veli Ağa b. Mustafa, İbrahim Çelebi b. Ahmed, Mehmed Beşe b. Şemseddin, Abdurrahman Çelebi b. Şaban.