Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 460 Hüküm no: 546 Orijinal metin no: [90a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Beşe b. Mehmed’in bogasi dükkânındaki hissesini Hacı Süleyman b. Mehmed’e satması Mahmiye-i İstanbul’da Gedikpaşa mahallesinde sâkin olup hâlâ Belgrad’da turnacıbaşı Ahmed Ağa’nın hizmetinde olan Hüseyin Beşe b. Mehmed el-Hâ[c] Ali’nin vâlidesi ve tarafından husûs-ı âti’l-beyâna vekîl olup zât ma‘rifet-i şer‘iyye ile ârifân olan Mehmed Çelebi b. Ali ve Osman b. Receb nâm kimesne şehâdetleri ile şer‘an vekâleti sâbite olan Hatice bt. Ahmed nâm hâtun meclis-i şer‘-i şerîf-i enverde işbu bâ‘isü’l-kitâb el-Hâc Süleyman b. Mehmed nâm kimesne mahzarında bi’l-vekâle ikrâr edip Ayasofya vakfından olup mahmiye-i mezbûrda Bezzâzistân-ı atîk kurbunda vâki‘ hudûdu beynimizde ma‘lûm icâreteyn-i ma‘lûmeteyn ile bir bâb bogasi dükkânından beş sehimden bir sehimi oğlu mezkûr Hüseyin Beşe Bey’in taht-ı tasarrufunda olmağla mârrü’z-zikr bir sehim hissesi izn-i mütevellî ile mezbûr el-Hâc Süleyman’a otuz beş guruş bedel mukābelesinde ferâğ olunan meblağ-ı mezbûru bi’l-vekâle mezbûr el-Hâc Süleyman yedinden tamâmen ahz u kabz eyledim mârrü’z-zikr dükkânda oğlum mezbûr Hasan Beşe’nin hissesi mezkûr sâdır olan ikrârını mezbûr el-Hâc Süleyman bi’l-muvâcehe tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî ve’l-ışrîn min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Mehmed Halîfe, Mustafa Bey Abdullah, keresteci Mehmed Bey b. Süleyman.