Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 461 Hüküm no: 548 Orijinal metin no: [90a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Beşe b. Abdullah’ın kendisine havale edilen borcu kabul eden Ali Bey’den alacağını talep etmesi Mahmiye-i İstanbul’da Sultan Bayezid Hân -aleyhi’r-rahmetü ve’r-rıdvân- Câmi‘-i şerîfi kurbunda sâkin Ahmed Beşe b. Abdullah işbu bâ‘isü’l-kitâb Mehmed Çelebi b. Hasan meclis-i şer‘-i şerîf-i enverde Hasan Paşazâde Ali Bey’in mahzarında üzerine da‘vâ ve takrîr-i kelâm edip gāib ani’l-meclis Yusuf b. Abdullah nâm kimesne zimmetinde cihet-i karz-ı şer‘den seksen bir esedî guruş hakkım olmağla mezbûr Yusuf meblağ-ı mezbûru üçümüz bir meclisde iken mezbûr Ali Bey’in üzerine havâle-i sahîha-i şer‘iyye ile havâle eylediğinde her birimiz dahi havâle-i mezbûru kabûl etmişiken hâlâ mezkûr Ali Bey meblağ-ı mezbûru bana edâdan imtinâ‘ eder suâl olunup bana edâya tenbîh olunmak matlûbumdur dedikde gıbbe’s-suâl mezbûr Ali Bey cevâbında fi’l-hakīka hâl bâlâda şer‘ ve beyân olunan minvâl üzre olup min ciheti’l-havâle meblağ-ı mezkûru müdde‘î-i mezbûra edâ ve teslîme mezbûr Ali Bey’e tenbîh olunup mâ vaka‘a bi’t-taleb ketb olundu. Fi’l-yevmi’l-ışrîn min Şa‘bâni’l-mu‘azzam li sene seb‘a ve tis‘în ve elf. [90b] Şuhûdü’l-hâl: Ahmed Ağa b. Mehmed, Halil Ağa b. İbrahim, Mehmed Çavuş b. Abdullah, Mustafa b. Ali.