İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 316 Hüküm no: 271 Orijinal metin no: [101-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nalbur Yusuf Ağa’nın çeşitli kişilerdeki alacaklarının tahsili 19311 [guru]ş ikrârıyla lâzım gelen [Ma‘rûz] Derûn-ı arzuhâlde mezkûrü’l-ism Nalbur Yusuf Ağa b. el-Hâc Mehmed meclis-i şer‘-i münîrde ashâb-ı arzuhâl biçici? esnâfından Kocabıyık es-Seyyid Mehmed b. es-Seyyid Mehmed ve Nuh ve Halil ibney İbrahim ve Kayıkçıoğlu es-Seyyid Mehmed b. es-Seyyid Mehmed ve Şabanoğlu Ali b. Halil ve Ayanoğlu Mustafa b. Mehmed ve Delivelioğlu Halil b. Ahmed ve es-Seyyid Bilal b. Bilal ve Babaalioğlu Numan b. Ali ve Kabakcı Mehmed b. Mustafa ve Hacı Osmanoğlu Mehmed Emin b. İbrahim nâm on bir nefer kimesneler muvâcehelerinde benim on bir nefer merkūmûndan mezbûr Kocabıyık es-Seyyid Mehmed zimmetinde mâlımdan ve yedimden iştirâ ve kabz eylediği vezn ve fiyâtı beynimizde ma‘lûm hâm demir semeninden bâkī üç bin dört yüz guruş ve mezbûr Nuh zimmetinde dahi kezâlik mâlımdan ve yedimden iştirâ ve kabz eylediği vezn ve fiyâtı beynimizde ma‘lûm hâm demir semeninden alacağım olup tarafeynden bi’l-emr ve’l-kabûl kefâlet-i mutlaka ile mezbûr Kocabıyık es-Seyyid Mehmed’in kefîl ve zâmin olduğu bin altı yüz on altı guruş ki asâlet ve kefâletine binâen cem‘an beş bin yetmiş altı guruş ve yine mezbûr Nuh zimmetinde mâlımdan ve yedimden iştirâ ve kabz eylediği ma‘lûmü’l-vezn ve’l-fiyât hâm demir semeninden iki bin sekiz yüz kırk dokuz buçuk guruş ve karındaşı mezbûr Halil zimmetinde dahi kezâlik mâlımdan ve yedimden iştirâ ve kabz eylediği ma‘lûmü’l-vezn ve’l-fiyât hâm demir semeninden bâkī yedi yüz otuz sekiz buçuk guruş ve mezbûr Kayıkçıoğlu es-Seyyid Mehmed zimmetinde dahi kezâlik mâlımdan ve yedimden müşterâ ve makbûz ve ma‘lûmü’l-vezn ve’l-fiyât hâm demir semeninden bâkī iki bin sekiz yüz yirmi iki guruş ve mezbûr Şabanoğlu Ali zimmetinde dahi kezâlik mâlımdan ve yedimden müşterâ ve makbûz ve ma‘lûmü’l-vezn ve’l-fiyât hâm demir semeninden bâkī dokuz yüz doksan bir guruş ve mezbûr Ayanoğlu Mustafa zimmetinde dahi kezâlik [mâlımdan] ve yedimden müşterâ ve makbûz ve ma‘lûmü’l-vezn ve’l-fiyât hâm demir semeninden bâkī bin iki yüz otuz üç buçuk guruş ve mezbûr Delivelioğlu Halil zimmetinde dahi kezâlik mâlımdan ve yedimden müşterâ ve makbûz ve ma‘lûmü’l-vezn ve’l-fiyât hâm demir semeninden bâkī sekiz yüz doksan dokuz guruş ve mezbûr es-Seyyid Bilal zimmetinde dahi kezâlik mâlımdan ve yedimden müşterâ ve makbûz ve ma‘lûmü’l-vezn ve’l-fiyât hâm demir semeninden bâkī bin üç yüz doksan bir buçuk guruş ve mezbûr Babaalioğlu Numan zimmetinde dahi kezâlik mâlımdan ve yedimden müşterâ ve makbûz ve ma‘lûmü’l-vezn ve’l-fiyât hâm demir semeninden bâkī bin altı yüz altı buçuk guruş ve mezbûr Kabakcı Mehmed zimmetinde dahi kezâlik mâlımdan ve yedimden müşterâ ve makbûz ve ma‘lûmü’l-vezn ve’l-fiyât hâm demir semeninden bâkī bin üç yüz yirmi dört buçuk guruş ve mezbûr Hacı Osmanoğlu Mehmed Emin zimmetinde dahi kezâlik mâlımdan ve yedimden müşterâ ve makbûz ve ma‘lûmü’l-vezn ve’l-fiyât hâm demir semeninden bâkī üç yüz yetmiş dokuz guruş ki min-haysü’l-mecmû‘ on dokuz bin üç yüz on bir guruş alacak hakkım olmağla meblağ-ı mecmû‘-ı merkūmu on bir nefer mezbûrûndan hâlâ taleb ederim deyü da‘vâ ettikde onlar dahi cevâblarında müdde‘î-i mezbûr Yusuf Ağa’ya bâlâda tafsîl ve beyân olunduğu üzere min-haysü’l-mecmû‘ <> ol-mikdâr guruş el-yevm zimmetlerinde deynleri olduğunu ikrâr ü i‘tirâf edip lâkin deyn-i mezkûrlarını müeccelen ve mukāssatan edâ etmelerini işbu arzuhâlleriyle istid‘â etmişler ise de dâyinleri mezbûr râzı olmayıp ve tecîle dahi cebr meşrû‘ olmamağla mûcebiyle meblağ-ı mecmû‘-ı merkūm on dokuz bin üç yüz on bir guruşun müdde‘î-i mezbûr Yusuf Ağa’ya edâsıyla on bir nefer mezbûrûn ilzâm olundukları İstanbul Mahkemesi’nden huzûr-ı âlîlerine i‘lâm olundu. Fî 26 min-Ra sene [12]58