İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 332 Hüküm no: 286 Orijinal metin no: [106-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiryako v. Dimitri’nin borçlarını ödemesi 7944 [guru]ş hüküm [Ma‘rûz] Kireçci tâifesinden ashâb-ı arzuhâl kendi nefsinden asıl ve Hıristo v. Yuvan ve İstepan v. Kostandi zimmîler taraflarından husûs-ı âti’l-beyânda vekîl-i müsbit-i şer‘îleri İlya v. Tarpan nâm zimmî Tariko v. Kostandi nâm zimmî hâzır olduğu hâlde meclis-i şer‘-i hatîrde yine tâife-i mersûmeden derûn-ı arzuhâlde mastûrü’l-ism Kiryako v. Dimitri nâm zimmî muvâcehesinde benim mersûm Kiryako zimmî zimmetinde Kireçcilik ücretimden gayrı ez-teslîmât sahhe’l-bâkī bin dört yüz elli guruş ve hâzır-ı mersûm Tariko zimmînin kezâlik Kireçcilik ücretinden üç bin altı yüz altmış altı guruş ve müvekkillerim mersûmândan mesfûr Hıristo zimmînin yine Kireçcilik ücretinden bin üç yüz altmış beş guruş mersûm İstepan zimmînin kezâlik Kireçcilik ücretinden bin dört yüz altmış üç guruş ki cem‘an yedi bin dokuz yüz kırk dört guruş alacak hakkımız olmağla meblağ-ı mecmû‘-ı mezkûru mesfûr Kiryako zimmîden hâlâ taleb ederiz <> deyü hâzır-ı mersûm ile mâ‘an bi’l-asâle ve bi’l-vekâle da‘vâ ettiklerinde ol dahi cevâbında kaziyye minvâl-i meşrûh üzere olduğunu bi-tamamihâ tâyi‘an ve kat‘iyyen ikrâr ü i‘tirâf etmeğin mûcebince meblağ-ı mecmû‘-ı mezkûr yedi bin dokuz yüz kırk dört guruşun müdde‘iyân-ı asıl ve vekîl-i mersûmân İlya ve Tariko zimmîlere edâsıyla mesfûr Kiryako zimmî ilzâm olunduğu İstanbul Mahkemesi’nden huzûr-ı [âlîlerine i‘lâm olundu] Fî 28 Ra sene [12]58