İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 338 Hüküm no: 293 Orijinal metin no: [108-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kömürcü Ali’nin Kuyumcu Foti ile kardeşi Togodoş’a olan borcunu ödemesi 4064 [guru]ş hüküm [Ma‘rûz] Arzuhâl sâhibleri Kuyumcu Foti v. Todori ve li-ebeveyn er karındaşı ve şerîki Togodoş zimmîler meclis-i şer‘-i hatîrde derûn-ı arzuhâlde ismi mezkûr Kömürcü es-Seyyid Ali b. el-Hâc Süleyman muvâcehesinde mezbûr es-Seyyid Ali zimmetinde müşterek mâlımızdan iktirâz ve kabz eylediği ve umûruna sarfla istihlâk eylediği dört bin altmış dört guruş alacak hakkımız olup hattâ meblağ-ı mezkûr cihet-i mezkûreden zimmetinde bize deyni olduğunu işbu sene-i mübâreke Saferi’l-hayrı gurresinde ikrâr ve ber-vech-i muharrer ikrârını nâtık târih-i mezkûr ile müverrah işbu bir kıt‘a deyn tahvîlini dahi yedimize vermekle meblağ-ı mezkûr dört bin altmış dört guruşu mezbûr es-Seyyid Ali’den hâlâ taleb ederiz deyü da‘vâ ettiklerinde ol dahi cevâbında kaziyye minvâl-i muharrer üzere olduğunu bi-tamamihâ ikrâr ve i‘tirâf etmeğin mûcebince meblağ-ı mezkûr dört bin altmış dört guruşun müdde‘iyân-ı mersûmân Foti ve Togodoş zimmîlere edâsıyla mezbûr es-Seyyid Ali ilzâm olunduğu İstanbul Mahkemesi’nden huzûr-ı âlîlerine i‘lâm olundu. Fî 13 R sene [1]258