İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 341 Hüküm no: 297 Orijinal metin no: [109-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Ağa’nın Osman Ağa’daki alacağını tecil ettiği İhrâc-şüd fî 24 C sene [1]258 2166 [guruş] tecîl [Ma‘rûz] Tüccârdan derûn-ı arzuhâlde mezkûrü’l-ism el-Hâc Hasan Ağa b. Abdullah meclis-i şer‘-i münîrde yağcı esnâfından sâhib-i arzuhâl Osman Ağa b. Mehmed muvâcehesinde merkūm Osman Ağa zimmetinde semen-i mebî‘-i makbûzdan dört bin altı yüz yirmi dokuz guruşdan bâkī bâ-i‘lâm-ı şer‘î mahkûmün-bih iki bin yüz altmış altı guruş alacak hakkım olup lâkin hâlâ bana edâya kudreti olmadığından meblağ-ı mahkûmün-bih-i mezkûr iki bin yüz altmış altı guruşu işbu târih-i i‘lâm şehri gāyetinde bana tamamen edâ ve teslîm etmek üzere mezbûr Osman Ağa’yı tecîl eylediğimde ol dahi kabûl ve vech-i meşrûh üzere edâ-i deyne ta‘ahhüd edip bu vechile kat‘-ı münâza‘a eyledik deyü ikrâr ve tasdîkleri tescîl ve İstanbul Mahkemesi’nden huzûr-ı [âlîlerine i‘lâm olundu] Fî 18 R sene [12]58