İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 344 Hüküm no: 300 Orijinal metin no: [110-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuyumcu Nikola’nın Fatma Hatun’daki alacağını tecil ettiği 1500 [guru]ş hüküm, tecîl [Ma‘rûz] Arzuhâl eden Kuyumcu Nikola v. Andon zimmî meclis-i şer‘-i münîrde derûn-ı arzuhâlde ismi mezkûr mu‘arrefetü’z-zât Fatıma Hatun bt. Mustafa muvâcehesinde mezbûre Fatıma Hatun zimmetinde yedime verdiği sene-i sâbıkā Cumâdelâhiresinin yirmi birinci günü târihiyle müverrah işbu bir kıt‘a deyn tahvîli mantûkunca cihet-i karzdan bin beş yüz guruş alacak hakkım olup lâkin hâlâ def‘aten bana edâya kudreti olmadığından meblağ-ı mezkûr bin beş yüz guruşu târih-i i‘lâmdan beher şehr yüzer guruş verip on beş ay tamamına değin bana tamamen edâ ve teslîm etmek üzere mezbûre Fatıma Hatun’u rızâmla imhâl ve tehîr eylediğimde ol dahi minvâl-i muharrer üzere edâ-i deyne ta‘ahhüd edip bu vechile kat‘-ı nizâ‘ eyledik dediğini mezbûre Fatıma Hatun tasdîk ve tahkīk eylediği tescîl ve İstanbul Mahkemesi’nden huzûr-ı [âlîlerine i‘lâm olundu] Fî 19 R sene [1]258