İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 356 Hüküm no: 311 Orijinal metin no: [113-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal dükkânı sahibi İncesulu Bratmoz’un alacağının tahsili 250 [guru]ş hüküm [Ma‘rûz] İstanbul’da Karagümrüğü civârında tütüncü dükkânı ittisâlinde bakkāl olan arzuhâl sâhibi İncesulu Bratomos v. İstavri zimmî meclis-i şer‘-i hatîrde İstanbul’da Ebu’l-feth Sultan Mehmed Hân-ı Gāzi -aleyhi rahmeti’l-Bârî- Câmi‘-i şerîfi civârında Küçükkaraman nâm mahâlde sebzevâtcı olan derûn-ı arzuhâlde ismi mastûr Vasil v. Nikola zimmî muvâcehesinde hâlâ hizmetimde olan işbu hâzır bi’l-meclis tahmînen on iki yaşında sagīr Premedili Yorgi v. Eftim’in yedinde bi-tarîki’l-emâne mâlım olan bin dört yüz guruşu mersûm Vasil zimmî işbu sene-i mübâreke Muharremi’l-harâmının beşinci günü sagīr-i mersûmdan bi-gayrı hakkın fuzûlî ahz ve istihlâk etmekle meblağ-ı mezkûr bin dört yüz guruşu mersûm Vasil zimmîden hâlâ tazmîn taleb ederim deyü tasaddî eylediğim da‘vâmdan bâ-tavassut-ı muslihîn mersûm ile an-inkârin kat‘an-li’n-nizâ‘ iki yüz elli guruş üzerine bi’t-terâzî ba‘de-akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra ve târih-i i‘lâma gelince sâir cemî‘ hukūk-ı şer‘iyeye müte‘allika âmme-i de‘âvîden mersûm Vasil zimmînin zimmetini kabûlünü hâvî ibrâ-i âmm-ı sahîh-i şer‘î ile ibrâ ve iskāt eyledim deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr iki yüz elli guruşu müdde‘î-i mesfûr Bratomos zimmîye bi’t-taleb edâ ve teslîme mersûm Vasil zimmîye tenbîh olunduğu İstanbul Mahkemesi’nden huzûr-ı [âlîlerine i‘lâm olundu] Fî 2 Ca sene 1258