İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 369 Hüküm no: 323 Orijinal metin no: [118-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Anaştaş’ın sahibi olduğu kasap gediğinin oğlu Kosti üzerine tescil edilmesi Kasab [Ma‘rûz] Cennet-mekân adn-âşiyân Sultan Abdülhamid Han -aleyhi’r-rahmetü ve’l-gufrân- hazretlerinin evkāf-ı celîleleri müstegallâtından Yedikule hâricinde kâin gayrı ez selhhâne-i mîrî on aded ganem selhhânelerinin şerâit-i mu‘teberelerine ri‘âyet şartıyla dördüncü selhhâneye merbût kasab dükkânlarından mahrûse-i Galata’da Kalekapısı civârında berber ve çörekçi dükkânları beynlerinde vâki‘ bir bâb kasab dükkânı derûnunda mevcûde beyne’l-esnâf gedik ta‘bîr olunur vakıf âlât-ı lâzıme-i ma‘lûmenin bâ-temessük-i mütevellî bi’l-icâreteyn müstakıllen mutasarrıfı Anaştaş v. Yanko nâm zimmî hâlik olup âlât-ı gedik-i merkūm sulbî mürâhık oğlu Kosti’ye intikāl eylediğini Kasablar müdîri es-Seyyid Mehmed Ali Bey ile mazbûtü’l-esâmî kasab ustaları ihbâr etmeleriyle âlât-ı lâzıme-i merkūme babası hâlik-i mersûm Anaştaş zimmînin intikālinden oğlu mürâhık-i mersûm Kosti üzerine defter-i vakf-ı müşârun-<> ileyhe ve der-dest olan temessük-i mezkûr hâmişine taraf-ı vakfdan tahrîr ve temhîr buyurulmak iktizâ eylediği İstanbul Mahkemesi’nden huzûr-ı [âlîlerine i‘lâm olundu] Fî 12 Ca sene 1258