İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 370 Hüküm no: 325 Orijinal metin no: [118-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Liko v. Kiro’nun sahibi olduğu kasap gediğini oğlu Kasap Mitro’ya sattığı Kasab [Ma‘rûz] Kezâlik yedinci selhhâneye merbût kasab dükkânlarından mahrûse-i Galata’ya muzâfe Fındıklı kasabasında vâki‘ bir bâb ve üçüncü selhhâneye merbût mahrûse-i mezkûreye tâbi‘ Tophâne kasabasında Firuzağa nâm mahâlde vâki‘ bir bâb ve Galatasarayı kurbünde selhhâne civârında vâki‘ bir bâb ve yine kasaba-i Fındıklı’da köşe başında vâki‘ bir bâb ve Dörtyolağzı’nda vâki‘ bir bâb ve Karaki kurbünde vâki‘ bir bâb ve Beyoğlu’nda Ketehorya mahallesinde vâki‘ bir bâb ve Ağacâmi‘-i şerîfi kurbünde vâki‘ bir bâb ve Yazıcı Câmi‘i kurbünde vâki‘ bir bâb ve dördüncü selhhâneye merbût Galatasarayı kurbünde vâki‘ bir bâb ki cem‘an on bâb kasab dükkânları derûnlarında mevcûde beyne’l-esnâf gedik ta‘bîr olunur vakıf âlât-ı lâzıme-i ma‘lûmelerin her biri yirmişer sehm i‘tibârıyla birer sehmin hums hisselerine bâ-temessük-i mütevellî bi’l-icâreteyn mutasarrıf olan Tako [Liko] v. Kiro zimmî meclis-i şer‘-i hatîrde sulbî kebîr oğlu kasab tâifesinden bâ‘isü’l-i‘lâm Mitro zimmî muvâcehesinde hâlâ Kassâbân müdîri es-Seyyid Mehmed Ali Bey ve sâir mazbûtü’l-esâmî kasab ustaları hâzır oldukları hâlde takrîr-i kelâm edip ben ber-vech-i muharrer mutasarrıf olduğum hisse-i merkūmeleri hüsn-i rızâ ve tayyib-i hâtırım ve ferâğ-ı mu‘teber-i kat‘î ile oğlum mersûm Mitro zimmîye bedel-i ma‘lûm ve makbûz ve müstehlek mukābelesinde bâ-re’y-i mütevellî ferâğ ve tefvîz eylediğimde ol dahi ber-vech-i muharrer tefevvüz ve kabûl ve hisse-i tevzî‘lerini müdîr ve kasab ustaları ma‘rifetleriyle almağa ta‘ahhüd edip fî-mâ ba‘d hisse-i gedik-i merkūmlar oğlum mersûm Mitro zimmînin hakk-ı müfevvezi olup benim aslâ ve kat‘a alâka ve medhalim kalmamışdır deyü ba‘de’l-ikrâr ve’t-tasdîk [119] âlât-ı gedik-i merkūmların hisse-i mezkûrelerini fâriğ-i mersûm Tako [Liko] zimmînin ferâğından defter-i vakf-ı şerîfde oğlu mersûm Mitro zimmî uhdesine kayd ve der-dest olan temessük-i mezkûr hâmişine zabt ü tasarrufi’çün kaydı mûcebince taraf-ı vakfdan tahrîr ve temhîr ve yedine i‘tâ buyurulmak iktizâ eylediği İstanbul Mahkemesi’nden huzûr-ı [âlîlerine i‘lâm olundu] Fî 12 Ca sene [12]58