İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 375 Hüküm no: 330 Orijinal metin no: [120-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Ağa’ya borcu olan Hasırcı Mehmed Emin Ağa ile Mehmed Şükrü Ağa’nın borçlarını ödemeleri 5864 [guru]ş hüküm [Ma‘rûz] Mısır tüccârından sâhib-i arzuhâl el-Hâc Mehmed Ağa b. Mehmed Said meclis-i şer‘-i münîrde hasırcı esnâfından derûn-ı arzuhâlde mezkûrü’l-ism Mehmed Emin Ağa b. Celil [Halil] ve es-Seyyid Mehmed Şükrü Ağa b. Abdürrezzak muvâcehelerinde merkūmândan mezbûr Mehmed Emin Ağa sene-i sâbıkā şehri Rebî‘ülâhirinin yirmi beşinci günü mâlımdan ve yedimden iştirâ ve kabz eylediği ma‘lûmü’l-aded ve’l-fiyât mısır hasırı semeninden yedi bin yüz seksen guruşdan bâkī dört bin yüz yirmi dört guruş mezbûr es-Seyyid Mehmed Şükrü Ağa dahi yine târih-i merkūmda mâlımdan ve yedimden iştirâ ve kabz eylediği ma‘lûmü’l-aded ve’l-fiyât mısır hasırı semeninden yedi bin yüz seksen guruşdan bâkī bin yüz kırk guruş ki ber-vech-i muharrer zimmetlerinde cem‘an beş bin sekiz yüz altmış dört guruş alacak hakkım olmağla meblağ-ı mecmû‘-ı merkūm beş bin sekiz yüz altmış dört guruşu mezbûrân Mehmed Emin Ağa ve es-Seyyid Mehmed Şükrü Ağa’dan hâlâ taleb ederim deyü da‘vâ ettikde onlar dahi cevâblarında kaziyye minvâl-i meşrûh üzere olduğunu bi-tamamihâ tâyi‘an ve kat‘iyyen ikrâr ü i‘tirâf etmeğin <> alâ-mûcibi i‘tirâfihimâ meblağ-ı mecmû‘-ı merkūm beş bin sekiz yüz altmış dört guruşun müdde‘î-i mezbûr el-Hâc Mehmed Ağa’ya edâsıyla mezbûrân Mehmed Emin Ağa ve es-Seyyid Mehmed Şükrü Ağa ilzâm olundukları İstanbul Mahkemesi’nden huzûr-ı [âlîlerine i‘lâm olundu] Fî 18 Ca sene [1]258