İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 383 Hüküm no: 335 Orijinal metin no: [123-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mağazacı Andon’un borcunu ödemesi 750 [guru]şa sulh [Ma‘rûz] Bâ‘isü’l-i‘lâm Yunanlı Mağazacı Dimitri v. Panayot tercümânı Sava tarafından Corci hâzır olduğu hâlde meclis-i şer‘-i hatîrde yine Mağazacı Andon v. Yani zimmî muvâcehesinde mersûm Andon zimmî zimmetinde bundan <> mukaddemce mâlımdan iştirâ ve kabz eylediği her birinin vezn ve fiyâtı beynimizde ma‘lûm revgan-ı zeyt ve sabun semenlerinden bâ-tahvîl dokuz yüz guruş alacak hakkım olmağla <> hâlâ taleb ederim deyü tasaddî eylediğim da‘vâmdan bâ-tavassut-ı muslihîn zimmî-i mersûm ile kat‘an-li’n-nizâ‘ yedi yüz elli guruş üzerine <> sulh olduğumda ol dahi sulh-ı mezkûru kabûl ve bedel-i sulh-ı mezkûr yedi yüz elli guruşu dahi bana edâ ve teslîme ba‘de’t-ta‘ahhüd bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûr müte‘allika da‘vâdan tarafeynden her birimiz âharın zimmetini kabûlümüzü hâvî ibrâ ve iskāt edip bu vechile kat‘-ı nizâ‘ eyledik deyü ikrâr ve tasdîkleri tescîl ve İstanbul Mahkemesi’nden huzûr-ı [âlîlerine i‘lâm olundu] Fî 21 Ca sene 1258