İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 393 Hüküm no: 343 Orijinal metin no: [126-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Said Efendi’nin borcunu ödemesi 2156 [guru]ş hüküm [Ma‘rûz] Kaşıkçı esnâfından sâhib-i arzuhâl Mehmed Said Ağa b. el-Hâc Osman b. Abdullah tarafından husûs-ı âti’l-beyânda vekîli olduğu el-Hâc Mehmed Emin b. Mehmed ve Mustafa b. Mehmed nâm kimesneler şehâdetleriyle sâbit olan es-Seyyid Hasan Efendi b. el-Hâc Mehmed Emin İstanbul Bâb Mahkemesi’nde meclis-i şer‘-i münîrde yine esnâf-ı mezkûreden derûn-ı arzuhâlde mezkûrü’l-ism diğer Mehmed Said b. İsmail muvâcehesinde müvekkilim mezbûr Mehmed Said Ağa’nın mezbûr diğer Mehmed Said zimmetinde cihet-i karzdan iki bin yüz elli altı guruş alacak hakkı olmağla meblağ-ı merkūm iki bin yüz elli altı guruşu mezbûr diğer Mehmed Said’den bi’l-vekâle hâlâ taleb ederim deyü da‘vâ ettikde ol dahi cevâbında kaziyye minvâl-i meşrûh üzere olduğunu bi-tamamihâ tâyi‘an ve kat‘iyyen ikrâr ü i‘tirâf etmeğin mûcebince meblağ-ı mezkûr iki bin yüz elli altı guruşun müdde‘î-i vekîl-i mezbûr es-Seyyid Hasan Efendi’ye edâsıyla mezbûr diğer Mehmed Said ilzâm olunduğu huzûr-ı [âlîlerine i‘lâm olundu] Fî-gurreti C sene [1]258