İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 406 Hüküm no: 355 Orijinal metin no: [131-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un bir evdeki hissesini boşandığı kocası Mehmed Nuri Efendi’ye kiraya verip kira bedelinde anlaştığı Menzil îcârı. [Ma‘rûz] Sâhibe-i arzuhâl mu‘arrefetü’z-zât Şerife Âişe Hatun bt. Ali Rıza bi’l-ma‘iyye rü’yete memûr evkāf müfettişi izzetlü fazîletlü es-Seyyid Mehmed Emin Âsaf Beyefendi tarafından mürsel Kâtib Mehmed Hamdi hâzır olduğu hâlde meclis-i şer‘-i münîrde zevc-i sâbıkı derûn-ı arzuhâlde mezkûrü’l-ism mukaddemâ Bezzâzistânlı Mehmed Nuri Efendi b. Veliyüddin muvâcehesinde bâ-irâde-i seniyye Hazîne-i Evkāf-ı Hümâyûn tarafından idâre olunan evkāfdan merhûme Hatice Hatun Vakfı müsakkafâtından İstanbul’da Kırkçeşme civârında Sekbânbaşı İbrahimağa mahallesinde kâin ma‘lûmü’l-hudûd terbî‘an iki yüz zirâ‘ arsalı bir bâb vakıf menzilin sülüs hisse-i şâyi‘ası benim ve sülüsân hisse-i şâyi‘ası dahi mezbûr Mehmed Nuri Efendi’nin bâ-temessük-i mütevellî bi’l-icâreteyn taht-ı tasarrufumuzda olup ben menzil-i mezkûrdan ber-vech-i muharrer mutasarrıfe olduğum sülüs hisse-i şâyi‘a-i merkūmeyi işbu târih-i i‘lâmdan beher şehr yirmi beşer guruşa mezbûr Mehmed Nuri Efendi’ye îcâr ve teslîm eylediğimde ol dahi ber-vech-i muharrer istîcâr ve kabûl ve ecr-i müsemmâ-yı mezkûru mâh be-mâh bilâ-ezâ ve lâ-cefâ bana edâya ta‘ahhüd edip bu vechile kat‘-ı münâza‘a eyledik deyü ikrâr ve tasdîkleri tescîl ve İstanbul Mahkemesi’nden huzûr-ı [âlîlerine i‘lâm olundu] Fî 8 C sene 1258