İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 469 Hüküm no: 408 Orijinal metin no: [158-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Poliçeci Kürkçüoğlu Lazari’nin Kazancı Kangeloğlu Haralambo’da alacağı olduğu iddiasıyla açtığı davada haksız bulunduğu Macar altını men‘i Ma‘rûz Vilâyet-i Anadolu’da Trabzon sancağında Maçka Kazâsı’na tâbi‘ Kalyan karyesi re‘âyâsından ve mukaddemâ poliçeci tâifesinden olup arzuhâl eden Kürkçüoğlu Lazari v. Mosi zimmî Çarşamba günü huzûr-ı hazret-i Fetvâ-penâhî’de ma‘kūd meclis-i şer‘-i münîrde yine karye-i mezkûre re‘âyâsından olup Âsitâne-i aliyye’de vâki‘ kazancı esnâfından derûn-ı arzuhâlde ismi mastûr Kangeloğlu Haralambo v. Mano zimmî muvâcehesinde benim Eyüb nâm kimesne zimmetinde dört yüz guruş ve Hallâcoğlu Yani nâm zimmî zimmetinde iki bin dokuz [yüz] kırk beş guruş ve Mosioğlu Kostanti nâm zimmî zimmetinde yüz guruş ve kazancı Çılbıroğlu Kostantin nâm zimmî zimmetinde üç yüz ve Pirekoboğlu İlya nâm zimmî zimmetinde yüz guruş ve Yanioğlu Kostanti nâm zimmî zimmetinde iki yüz guruş ve Paparizeli Topal Yani nâm zimmî zimmetinde iki bin guruş ve Lazarioğlu Lazari nâm zimmî zimmetinde bin yüz elli guruş ve Çukalıoğlu Nikola nâm zimmî zimmetinde üç yüz kırk beş guruş ve Golanoğlu Nazar nâm zimmî zimmetinde beş yüz seksen iki guruş ve Marandioğlu Nikola nâm zimmî zimmetinde üç yüz kırk beş guruş ve Mihaloğlu Yorgi nâm zimmî zimmetinde iki yüz guruş ve Siyamioğlu Haralambo nâm zimmî zimmetinde üç yüz elli beş guruş ve Papa Yorgioğlu Haralambo nâm zimmî zimmetinde üç yüz kırk beş guruş ve Seliloğlu Haralambo nâm zimmî zimmetinde yedi yüz guruş ve Kukunoğlu İlya nâm zimmî zimmetinde bin otuz yedi guruş ve Todoroğlu Pano nâm zimmî zimmetinde yüz on beş guruş ve Ostoforoğlu Poliçeci Yani nâm zimmî zimmetinde iki yüz seksen dört guruş ve Siyamioğlu Yani nâm zimmî zimmetinde yetmiş iki buçuk guruş ve Marandioğlu Yani nâm zimmî zimmetinde yüz guruş ve Manatoğlu Yorgi nâm zimmî zimmetinde elli yedi buçuk guruş ve Golan Yorgi nâm zimmî zimmetinde iki yüz otuz guruş ve Aci Maratoğlu Yani nâm zimmî zimmetinde yüz elli guruş ve Pirinççi Antranik nâm zimmî zimmetinde yüz otuz guruş ve Battaloğlu Nikola nâm zimmî zimmetinde üç yüz kırk beş guruş ve Pamasoğlu Nazar nâm zimmî zimmetinde bin yüz elli guruş ve Fingiroğlu İlya nâm zimmî zimmetinde dört bin guruş ve Leğenci Ermeni Haçador nâm zimmî zimmetinde dört yüz guruş ve Kraloğlu Yani nâm zimmî zimmetinde yedi yüz elli guruş ve Yasefoğlu Sano nâm zimmî zimmetinde dokuz yüz guruş ve Harâccı Kangeloğlu Yani nâm zimmî zimmetinde yüz guruş [158m] ve Karanfiloğlu Yorgi nâm zimmî zimmetinde iki yüz altmış beş guruş ve Morozoğlu Yani nâm zimmî zimmetinde üç yüz guruş ve Pandeli Kapudan nâm zimmî zimmetinde dö[r]t bin guruş ki cem‘an yirmi beş bin beş yüz elli üç guruş alacağım olup bin iki yüz kırk sekiz senesi hilâlinde mersûm Haralambo zimmî tarafımdan bi’l-vekâle ahz u kabz etmekle ber-minvâl-i muharrer makbûzu olan cem‘an meblağ-ı mezkûr yirmi beş bin beş yüz elli üç guruş <> ve mâlım olup sene-i merkūmede tarafımdan bi’l-vekâle âhara bey‘ ü teslîm eylediği kırk altı <> taş yani külçe sekiz yüz on sekiz vakıyye nühâs semeninden kabz eylediği yedi bin altı yüz elli guruş ve yüz doksan iki vakıyye re[v]gan-ı sâde semeninden kabz eylediği bin yüz elli iki guruş ve bin yüz vakıyye fasulye semeninden kabz eylediği beş yüz yirmi beş guruş ki cem‘an dokuz bin üç yüz yirmi yedi guruş ki min-haysü’l-mecmû‘ otuz dört bin sekiz yüz seksen guruşun yedi bin guruşunu bana teslîm etmekle bâkīsi olup yedimde kalan yirmi yedi bin sekiz yüz seksen guruş ve yine sene-i merkūmede bi-şarti’r-rücû‘ emriyle mâlından zevcesi hâlâ karye-i mezkûrede mütemekkine Aleksandri nâm Nasrâniyeye medfû‘um olan altı yüz doksan guruş ve kezâlik sâlifü’l-beyân bin iki yüz kırk sekiz senesi hilâlinde mâlımdan mesfûr Haralambo zimmîye i‘tâ ve teslîm edip yedinde kalan altı bin altı yüz on üç guruş ile cem‘an dört bin yüz kırk guruşluk doksan iki aded Macar altını dahi mesfûr Haralambo zimmîden hâlâ taleb ederim deyü da‘vâ eyledikde ol dahi cevâbında târih-i merkūmdan berü mersûm Lazari zimmî tarafından bi’l-vekâle sâlifü’l-beyân Eyüboğlu Eyüb’den dört yüz guruş ve Hallâcoğlu Yani zimmîden iki bin dokuz yüz kırk beş guruş ve Mosioğlu Kosti zimmîden yüz guruş ve Çılbıroğlu Kostandi zimmîden üç yüz guruş ve Prekob İlya zimmîden yüz guruş ve Yanioğlu Kostandi zimmîden iki yüz guruş ve Paparizeli Topal Yani zimmîden iki bin guruş ve Lazarioğlu Lazar zimmîden bin yüz elli guruş ve Çukalıoğlu Nikoli zimmîden üç yüz kırk beş guruş ve Golanoğlu Nazar zimmîden beş yüz seksen iki guruş ve Maradinoğlu Nikoli zimmîden üç yüz kırk beş guruş ve Mihaloğlu Yorgi zimmîden iki yüz guruş ve Siyamioğlu Haralambo zimmîden üç yüz elli beş guruş ve Papas Yorgioğlu Haralambo zimmîden üç yüz kırk beş guruş ve Vasiloğlu Haralambo zimmîden yedi yüz guruş <> Kukunoğlu İlya zimmîden bin otuz yedi guruş ve Patoroğlu Pano zimmîden yüz on beş guruş ve Ostoforoğlu Poliçeci Yani zimmîden iki yüz seksen dört guruş ve Siyamioğlu Yani zimmîden yetmiş iki buçuk guruş ve Marandioğlu Yani zimmîden yüz guruş ve Pana[yo]toğlu Yorgi zimmîden elli yedi buçuk guruş ve Golan Yorgi zimmîden iki yüz otuz guruş ve Aci Maratoğlu Yani zimmîden yüz elli guruş ve Pirinççi Antranik zimmîden yüz otuz guruş ve mersûm Battaloğlu zimmîden dahi ancak iki yüz yirmi iki guruş ki cem‘an on iki bin dört yüz altmış beş guruş ahz u kabz eylediğini ve müdde‘î-i mersûmun mâlından ancak on dokuz külçe dört yüz doksan vakıyye nühâsını dört bin dört yüz on guruşa ve ancak doksan vakıyye re[v]gan-ı sâdesini beş yüz kırk guruşa tarafından bi’l-vekâle âhara bey‘ ü teslîm ve semen-i merkūmları kabz eylediğini ve emriyle zevcesi gāibe-i mezbûreye müdde‘î-i mersûm mâlından ancak yüz kırk dört guruş verdiğini ikrâr ve müdde‘î-i mersûmun ber-minvâl-i muharrer ziyâde müdde‘âlarını inkârdan mâ‘adâ ber-minvâl-i meşrûh makbûzum ve müdde‘î-i mersûmun zevcem mersûmeye medfû‘u olan min-haysü’l-mecmû‘ on yedi bin beş yüz elli dokuz guruşu dahi müdde‘î-i mersûm Lazari zimmîye tamamen def‘ ve teslîm eylediğimde ol dahi yedimden ahz u kabz ettikden sonra bin iki yüz elli senesi şehr-i Rebî‘ülevvelinin on beşinci günü İstanbul’da Alacahamam civârında vâki‘ kazgancı esnâfına mahsûs lonca ta‘bîr olunur odada husûs-ı mezkûrun hesâbını sahîhan rü’yet eylediğimizde meblağ-ı mecmû‘-ı merkūm on yedi bin beş yüz elli dokuz guruşu yedinden tamamen ahz u kabz eylediğini ve müdde‘î-i mersûmun Kalyonoğlu Kostandi nâm zimmî zimmetinde iki bin yüz on dokuz guruş ve Macaroğlu İlya nâm zimmî zimmetinde sekiz yüz guruş ve Diminioğlu Yorgi nâm zimmî zimmetinde bin beş yüz kırk beş guruş ve Panayotoğlu Yorgi nâm zimmî zimmetinde altı yüz on bir buçuk guruş dahi ve Aci Vasiloğlu Nikola nâm zimmî zimmetinde üç bin altı yüz kırk beş guruş ve Manahatoğlu Kosti nâm zimmî zimmetinde seksen yedi buçuk guruş ve Aktaliçoğlu [159] Mihal nâm zimmî zimmetinde beş yüz dört guruş ve Tiritiloğlu Andon nâm zimmî zimmetinde dokuz yüz yirmi guruş ve Sabatayoğlu Yorgi nâm zimmî zimmetinde yüz kırk guruş ve Aci <> Lefteroğlu Nikoli nâm zimmî zimmetinde sekiz yüz kırk dört guruş ve Çukalıoğlu Panayot nâm zimmî zimmetinde dokuz yüz on iki guruş ve Sanpeli Vasiloğlu Haralambo nâm zimmî zimmetinde yedi yüz elli yedi guruş Makoloğlu Yorgi nâm zimmî zimmetinde yüz yirmi sekiz guruş ve Kuşakoğlu Lefter nâm zimmî zimmetinde yüz on beş guruş ve Dimioğlu Yani nâm zimmî zimmetinde iki yüz elli beş guruş ve Sivaoğlu Simyon nâm zimmî zimmetinde altı yüz kırk dört guruş ve Yamandioğlu nâm zimmî zimmetinde iki yüz seksen yedi buçuk guruş ve Bergoroğlu Nikola nâm zimmî zimmetinde bin beş yüz yirmi altı guruş ve Santosoğlu Nikola nâm zimmî zimmetinde sekiz yüz elli bir guruş ve Kunduracı? Panayot nâm zimmî zimmetinde iki bin iki yüz elli üç guruş ve Fankeloğlu İlya nâm zimmî zimmetinde elli sekiz buçuk guruş ve Barhaloğlu Kosti nâm zimmî zimmetinde yüz otuz guruş ve Merhoyaroğlu <> Filipo nâm zimmî zimmetinde yüz yirmi beş guruş ki cem‘an on yedi bin iki yüz elli sekiz guruş dahi alacağım olup mukaddemâ taraflarından bi’l-vekâle ahz u kabz ve kendine tamamen teslîm etmemle meblağ-ı mecmû‘-ı mezkûru dahi ber-vech-i muharrer bi’t-tamam kabz eylediklerini ve yed-i zimmetimde aslâ hakkı ve alacağı kalmadığını mahzar-ı şühûdda ikrâr ve âmme-i de‘âvîden benim zimmetimi kabûlü hâvî ibrâ ve iskāt ve târih-i merkūm ile müverrah ve kendi mührüyle memhûr bir kıt‘a ibrâ senedi dahi vermiş idi deyü mazmûnu takrîrine mutâbık bir kıt‘a ibrâ senedi ibrâz ile eylediği def‘i müdde‘î-i mersûm Lazar zimmî inkâr etmekle mersûm Haralambo zimmîye def‘-i mezkûrunu her biri mahallerinden lede’t-tezkiye adl ve makbûlü’ş-şehâde idikleri ihbâr olunan esnâf-ı mezkûreden Mehmed Ağa b. Memiş ve Muradoğlu Mahmud b. Süleyman ve Mehmed Said b. Hasan ve Ahmed b. Hüseyin nâm kimesneler <<şehâ>> ve Kosti v. Yorgi ve diğer Kosti v. Yani nâm zimmîler şehâdetleriyle huzûr-ı cenâb-ı Fetvâ-penâhî’de müdde‘î-i mersûm muvâcehesinde vech-i şer‘î üzere isbât etmeğin mûcebince müdde‘î-i mersûm Lazar zimmî da‘vâ-yı mezkûreleri[yle] mesfûr Haralambo zimmîyi bî-vech-i şer‘î mu‘ârazadan men‘ olunduğu İstanbul Mahkemesi’nden huzûr-ı [âlîlerine i‘lâm olundu] Fî 2 Ş sene 1258