İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 475 Hüküm no: 410 Orijinal metin no: [160-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Komidas v. Artin’in alacaklı olduğu yolundaki iddiasını ispatlayamadığı 7000 [guru]ş men‘ Ma‘rûz Arzuhâl eden Komidas v. Artin zimmî meclis-i şer‘-i hatîr[de] kuyumcu esnâfından derûn-ı arzuhâlde isimleri mastûr Petro v. Kigork ve şerîki Fran v. Kigori zimmîler muvâcehelerinde ben bin iki yüz kırk dokuz senesi Saferi’l-hayrı hilâlinde şerîkân-ı mersûmân Petro ve Fran zimmîlerin İstanbul’da Çukacı Hanı’nda bir bâb odalarında ücretle <> hizmetkârı iken zikr olunan odada ba‘zı mücevherâtı sirkat olunduğundan Bâb-ı âlîye ifâde eylediğinden Bâb-ı âlî tarafından beni ahz ve sirkat olunan mücevherâtı zâhire ihrâc için Tomruk mahbesine vaz‘ ile bir müddet mahbûs olup muâhizden olmadığımdan sonra benden nesne zuhûr etmediğinden hapisden ıtlâk ve sebîlim tahliye olundukda şerîkim [şerîkân-ı] mersûmân ber-vech-i muharrer ifâdelerine pişman olup bilece bir müddet mahbûs olduğundan sana mâlımdan yedi bin guruş vereyim deyü va‘ad ve meblağ-ı merkūm yedi bin guruşu karzen bana deynleri olmak üzere yedime bir kıt‘a temessük verip ba‘dehû temessük-i mezkûr bir takrîb yedimden za’y olmuş ise de mücerred va‘ad-i mezkûreye binâen meblağ-ı merkūm yedi bin guruş mâllarından bana verilmek üzere şerîkân-ı mersûmâna cebr olunmak murâdımdır deyü takrîr-i meşrûhu üzere tasaddî eylediği da‘vâsı meşrû‘a ve iltifâta şâyân olmadığı müdde‘î-i mesfûr Komidas zimmî[ye] tefhîm ve mûcib-i da‘vâ-yı mezkûresiyle mersûmân Petro ve şerîki Fran zimmîyi [bî]-vech-i şer‘î mu‘ârazadan men‘ olunduğu İstanbul Mahkemesi’nden huzûr-ı [âlîlerine i‘lâm olundu] Fî 3 Ş sene 1258