Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 475 Hüküm no: 563 Orijinal metin no: [94b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rabia bt. Ali Çorbacı’nın Mehmed b. Süleyman’dan muhâlaa yoluyla boşandığı Mahmiye-i İstanbul’da Çukurbostan mahallesinde sâkine olup zâtı ta‘rîf-i şer‘î ile mu‘arrefe olan Râbia bt. Ali Çorbacı nâm hâtun meclis-i şer‘-i şerîf-i enverde sâhib-i hâze’l-kitâb zevc-i muhâlı‘ı Mehmed b. Süleyman mahzarında ikrâr ve takrîr-i kelâm [edip] mezbûr Mehmed zevcim olup beynimizde hüsn-i zindegânî olmamağla zimmetinde mütekarrir ve ma‘kūdun-aleyh olan beş yüz akçe mehr-i müeccelim ve nafaka-i iddet-i mu‘ayyenem üzerlerine ve me’ûnet-i süknâm dahi kendi üzerime olmak üzre zevcim mezbûr Mehmed ile muhâla‘a-i sahîha-i şer‘iyye ile muhâla‘a edip ol dahi vech-i muharrer üzre hul‘-ı mezbûru kabûl eylediğinden sonra hukūk-ı zevciyyete müte‘allika âmme-i da‘vâdan her birimiz âharın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledik dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb ve imlâ olundu. Fi’l-yevmi’s-sâmin aşer min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Mehmed b. Mustafa, Mehmed b. İdris, İbrahim Çelebi [b.] Ahmed, Mustafa, İsmail Çelebi b. Mustafa, Ahmed Çelebi b. İbrahim.