İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 486 Hüküm no: 420 Orijinal metin no: [166-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Mehmed Emin Efendi’ye borcu olan Kömürcü Mustafa Ağa’nın borcunu ödemesi Ma‘rûz Sâhib-i arzuhâl Kasab es-Seyyid Mehmed Emin Efendi b. es-Seyyid el-Hâc İbrahim meclis-i şer‘-i münîrde derûn-ı arzuhâlde mezkûrü’l-ism Kömürcü es-Seyyid Mustafa Ağa b. Veliyüddin muvâcehesinde mezbûr es-Seyyid Mustafa Ağa zimmetinde cihet-i karzdan bâ-tahvîl üç bin guruşdan bâkī iki bin guruş alacak hakkım olmağla hâlâ taleb ederim deyü ba‘de’d-da‘vâ ve’l-ikrâr alâ-mûcebi ikrârihî meblağ-ı bâkī-i merkūm iki bin guruşun müdde‘î-i mezbûr es-Seyyid Mehmed Emin Efendi’ye edâsıyla mezbûr es-Seyyid Mustafa Ağa ilzâm olunduğu İstanbul Mahkemesi’nden huzûr-ı [âlîlerine i‘lâm olundu] Fî 14 Ş sene [1258]