İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 492 Hüküm no: 425 Orijinal metin no: [167-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Poliçeci Trabzonlu Gürcüoğlu Lazari’nin Kazancı Trabzonlu Aci Panayot’ta olan alacağını alıp ibra ettiği 3000 [guru]ş ahz u kabz [Ma‘rûz] Mukaddemâ poliçeci tâifesinden arzuhâl sâhibi Trabzonlu Gürcüoğlu Lazari v. Mosi zimmî meclis-i şer‘-i hatîrde kazancı esnâfından derûn-ı arzuhâlde ismi mastûr yine Trabzonlu Aci Panayot v. Nikola zimmî muvâcehesinde mersûm Aci Panayot zimmî zimmetinde cihet-i karzdan alacak hakkım olan üç bin guruşu yedinden bi’t-tamam ahz u kabz ve istifâ-yı hak edip zimmetinde aslâ ve kat‘a hakkım ve alacağım kalmamağla bi’l-cümle husûs-ı mezkûra ve işbu târih-i i‘lâma gelince sâir cemî‘ hukūk-ı şer‘iyeye müte‘allika âmme-i de‘âvîden tarafeynden her birimiz âharın zimmetini kabûlümüzü hâvî ibrâ-i âmm-ı sahîh-i şer‘î ile ibrâ ve iskāt edip bu vechile külliyen kat‘-ı nizâ‘ eyledik deyü ikrâr ve tasdîkleri tescîl ve İstanbul Mahkemesi’nden huzûr-ı [âlîlerine i‘lâm olundu] Fî 19 Ş sene 1258