İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 517 Hüküm no: 452 Orijinal metin no: [176-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nesibe Hanım’ın mehir bedelinin ödenmesi talebiyle boşandığı kocası Numan Bey’e açtığı davada Numan Bey’in borcunu ödemeyi taahhüt ettiği 750 guruşdan ibrâ. Bin yedi yüz elli guruşu edâya ta‘ahhüd [Ma‘rûz] İstanbul’da Âşıkpaşa mahallesinde sâkine sâhibe-i arzuhâl Şerife Nesibe Hanım bt. Mehmed Said b. Mehmed Salih tarafından husûs-ı âti’l-beyânda vekîl olduğu zâtını ârifân teba‘adan Mehmed Emin Ağa b. Hasan ve Aziz Ağa b. Mehmed nâm kimesneler şehâdetleriyle ber-nehc-i şer‘î sâbit olan Hafız Mehmed Efendi b. İbrahim meclis-i şer‘-i münîrde müvekkile-i mezbûrenin zevc-i dâhili Dîvân-ı Hümâyûn Kalemi ketebesinden derûn-ı arzuhâlde mezkûrü’l-ism Numan Bey b. el-Hâc Osman muvâcehesinde bundan akdem mezbûr Numan Bey müvekkilim mezbûre Şerife Nesibe Hanım’ı bin beş yüz guruş mehr-i mu‘accel ve bin bir guruş mehr-i müeccel tesmiyeleriyle tezevvüc ve müvekkilem mezbûreye mehr-i mu‘accel-i mezkûru vermeden duhûl edip ol-vechile zevciyet beynlerinde kāime iken mezbûr Numan Bey işbu meclis-i şer‘de zevcesi müvekkilem mezbûreyi bâinen tatlîk etmekle müvekkilem mezbûrenin mezbûr Numan Bey zimmetinde mütekarrir ve ma‘kūdun-aleyh mehr-i mu‘accel ve mehr-i müeccel-i mezkûrları olan cem‘an iki bin beş yüz bir guruş ve cihet-i deyn-i şer‘îden zevc-i mutallık-ı mezbûr zimmetinde alacak hakkı olan iki yüz elli guruş ki min-haysü’l-mecmû‘ iki bin yedi yüz elli bir guruşun iki yüz elli guruşunu mezbûr Numan Bey bana def‘ ü teslîm ben dahi [177] yedinden bi’l-vekâle ahz u kabz eylediğimden sonra yedi yüz elli bir guruş mutâlebesinden dahi mezbûr Numan Bey’in zimmetini müvekkilem mezbûreye izâfetle bi’l-vekâle ibrâ ve iskāt eylediğimde ol dahi ibrâ-i mezkûrumu kabûl <> ve bâkīsi olan bin yedi yüz elli guruşu dahi bana edâ ve teslîme ta‘ahhüd edip bu vechile kat‘-ı münâza‘a eyledik deyü ikrâr ve tasdîkleri tescîl ve İstanbul Mahkemesi’nden huzûr-ı âlîlerine [i‘lâm olundu] Fî 9 L sene 1258