İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 533 Hüküm no: 468 Orijinal metin no: [183-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şarköylü Vasil’in borcunu ödediği Derkenâr-şüd fi 12 S sene [12]59 Ma‘rûz Şerbethâneci tâifesinden Şarköylü Vasil v. Kiryako nâm zimmînin Bâb-ı âlîlerine takdîm eylediği arzuhâline sâdır olan fermân-ı âlîlerine imtisâlen arzuhâl-i mezkûr derûnunda ismi mastûr dülger kalfalarından yine Şarköylü Dimitri v. Tarandafil zimmî meclis-i şer‘-i hatîrde mesfûr Vasil zimmî zimmetinde cihet-i karzdan beş bin guruş alacağım olmağla hâlâ taleb ederim deyü tasaddî eylediğim da‘vâmdan rızâmla meccânen fâriğ olmamla bi’l-cümle husûs-ı mezkûra ve işbu târih-i i‘lâma gelince sâir cemî‘ hukūk-ı şer‘iyeye müte‘allika âmme-i de‘âvîden ancak ben mesfûr Vasil zimmînin zimmetini ibrâ-i âmm-ı sahîh-i şer‘î ile ibrâ ve iskāt eylediğimde ol dahi ibrâ-i mezkûrumu kabûl edip bu vechile külliyen kat‘-ı nizâ‘ eyledik deyü ikrâr ve tasdîkleri tescîl ve İstanbul Mahkemesi’nden huzûr-ı [âlîlerine i‘lâm olundu] Fî 16 L sene 1258