İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 72 Hüküm no: 28 Orijinal metin no: [5a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ramazan Çelebi’nin Murad Beşe’deki alacağının muhallefatından tahsil ettiği Zahr-ı kitâbda ismi mastûr olan Ramazan Çelebi b. Süleyman el-Yesârî meclis-i şer‘de yine derûn-i kitâbda ismi mastûr olup mahmiye-i Kostantıniyye mahallâtından Derviş Ali mahallesinde vefât eden Murad Beşe b. Abdullah’ın zevce-i metrûkesi ve vârisesi Âişe Hatun bt. Hüseyin’den gayrı zâhirde vâris-i ma‘rûfu olmadığı ecilden muhallefâtının selâse-i erba‘ına vâzı‘ü’l-yed olan yeniçeriler beytü’l-mâli emîni olan mefharü’l-ümenâ Mehmed Ağa b. İlyas muvâcehesinde bi’t-tav‘ ikrâr ve i‘tirâf edip müteveffâ-yı mezbûr zimmetinde mutâf âlâtı bahâsından olan bin yüz akçe hakkımı ba‘de’s-subûti’ş-şer‘î emîn-i müşârün-ileyh yedinden bi’t-tamam ve’l-kemâl ahz ü kabz eyledim dedikde mukırr-ı merkūmu ikrâr-ı meşrûhunda emîn-i mesfûr bi’l-muvâcehe tasdîk etmeğin mâ-hüve’l-vâki‘ bi’t-taleb ketb olundu. Tahrîren fi’t-târihi’l-mezbûr. Şühûdü’l-hâl: Es-sâbikūn.