Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 483 Hüküm no: 574 Orijinal metin no: [97a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Veli b. Bâli’nin Hacı Osman b. Receb’deki emanet eşyalarının mansub vasîye teslim edildiği Vilâyet-i Anadolu’da Beyşe[h]ri kasabasına tâbi‘ Bavrak nâm karyede sâkin iken bundan akdem vefât eden el-Hâc Veli b. Bâli nâm kimesnenin li ebeveyn karındaşı ve karye-i mezbûrda sâkin evlâd-ı sıgārının tesviye-i emirlerine kıbel-i şer‘-i enverden mansûb vasîleri olan Abdünnebi meclis-i şer‘-i şerîfde mahmiye-i İstanbul’da ( ) mahallesinde sâkin işbu bâ‘isü’l-kitâb el-Hâc Osman b. Receb mahzarında bi’l-vesâye ikrâr ve takrîr-i kelâm edip mezbûr el-Hâc Osman akrabâmızdan olmağla karındaşım müteveffâ-yı mezbûr el-Hâc Veli hayâtında eşyâ-i memlûkesinden bir tüfenk, iki kara kılıç ve bir sîm gaddâre ve bir köhne sîm yedeklikli bir ...? ve bir sîm kılıcı bundan akdem mezbûr el-Hâc Osman bi tarîki’l-emâne def‘ ve teslîm ol dahi vech-i meşrûh üzre kabz ve tesellüm etmişidi hâlâ mezbûr el-Hâc Osman eşyâ-i muharrere-i mezkûreyi bi a‘yânihâ bana def‘ ve teslîm ben dahi bi’l-vesâye yedinden kabz ve tesellüm eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâdis ve’l-ışrîn min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: El-Hâc b. Mehmed, el-Hâc Mehmed b. Seyfullah, el-Hâc Mustafa b. Abdullah, el-Hâc Mustafa b. Abdullah, el-Hâc Mustafa b. Mehmed.