İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 180 Hüküm no: 169 Orijinal metin no: [35a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mihri Hatun’un ölen kocası Ali Çavuş’ta mehir alacağı olduğu Yusuf Bey b. Abdullah el-cündî ve Hemdem b. Abdullah nâm kimseler meclis-i şer‘-i şerîfe hâzırân olup sefer-i sultânîde bundan akdem fevt olan merhûm Ali Çavuş b. Abdullah’ın İsmail ve Belkıs nâm sagīreyninin tesviye-i umûru için kıbel-i şer‘-i mergūbdan mansûb vasî olan ve husûs-i câi’z-zikri münkir bulunan hasm-ı câhid fahrü’l-cüyûş Hüseyin Çavuş b. Abdullah mahzarında, hâmiletü hâze’l-kitâb Mihri Hatun bt. Abdullah’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müdde‘iye-i mesfûrenin müteveffâ-yı mezbûr zevci üzerinde esnâ-yı nikâhında ma‘kūdun aleyh olan mehr-i müecceli cihetinden râyicü’l-vakt yirmi bin akçe hakkı vardır. Hakkını kısmen veyâ tamamen ahz ü kabz etmediğine, zevcinin hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye küllen veyâ ba‘zan ibrâ etmediğine dâir müdde‘iye-i merkūme tahlîf edilmeğin gıbbe ri‘âyeti şerâiti’l-kabûl şehâdetleri mûcebince hükmedildi. Cerâ zâlike ve hurrire fî-târihi’l-mezbûr. Şühûdü’l-hâl: Ahmed Efendi b. Alâaddin, Yusuf Çelebi b. Abdülaziz, Mehmed b. Ramazan, Mustafa b. Mahmud ve gayruhum