|
İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 207 Hüküm no: 207 Orijinal metin no: [42b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Âfitâb Hatun’un muhallefatındaki evin Beytülmal tarafından müzayede ile satıldığı
Mahmiye-i Kostantıniyye mahallâtından Kürkçübaşı mahallesinde bundan akdem vefât eden Âfitâb Hatun bt. Abdullah’ın muhallefâtına vâzı‘-ı yed olan, mahmiye-i mezbûrede vâki‘ Beytü’l-mâl-i hâs emîni Mehmed Çavuş b. Abdulmuin meclis-i şer‘a hâzır olup müteveffât-ı merkūmenin muhallefâtı dâhilindeki, mahalle-i mersûmede kâin, tahtânî bir hâneyi, iki sofayı, fırını, eşcâr-ı müsmireli muhavvatayı, kenîfi ve ahırı müştemil, hudûdu bir tarafından Câize Hatun mülkü, bir tarafından Asiye Hatun mülkü, bir tarafından Servinaz Hatun mülkü, bir tarafından da tarîk-ı hâs ile mahdûd olan cemî‘ menzili cümle tevâbi‘ ve levâhıkıyla emânet-i mahkiyesi hasebiyle râyicü’l-vakt on dört bin akçe-i Osmânî semen-i mu‘ayyen-i makbûzla îcâb ve kabûlü, teslîm ve tesellümü hâvî bey‘-i bâtt-ı sahîh-i şer‘î ile hâmil-i kitâb Abdi b. Mehmed nâm râcile bey‘ eylediğini ikrâr etti. Vâki‘ ikrâr müşterî-yi mezbûr tarafından vicâhen ve şifâhen tasdîk edildi. Mubâya‘a-i mezbûre menzil-i mesfûrun sûk-ı sultânîde ve mecma‘-ı nâs olan mahallerde tâlibîn ve râgıbîn beyninde kirâren müzâyede olunup ragabât-ı nâs bi’l-külliye münkatı‘a oldukdan sonra müşârün-ileyh üzerinde semen-i meblağ-ı merkūmda karâr edip ziyâde ile âhar tâlibi olmadığı ecilden vâki‘ oldu.
Cerâ zâlike ve hurrire fi’l-yevmi’l-hâmisi aşere min-Zilka‘deti’l-mübâreke li-sene hamse ve elf.
Şühûdü’l-hâl: Mehmed b. Veli el-imâm, el-Hâc Süleyman b. Halil el-müezzin, Mustafa b. Cafer el-cündî, Mustafa b. Ahmed er-râcil, Behram b. Abdullah, Mahmud b. Hüseyin, Hüseyin b. Abdullah
|