Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 496 Hüküm no: 593 Orijinal metin no: [101a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Halil b. Receb üzerine kızları Rukiye ve Ayşe için nafaka takdiri Mahmiye-i İstanbul’da Hoca Hayreddin mahallesinde sâkine olup zâtını ma‘rifet-i şer‘ ile ârifân mahalle-i mezbûre sükkânından Mahmud b. Hasan ve Mehmed b. Abdullah ta‘rîfleriyle mu‘arrefe olan Hâmide bt. Hüseyin meclis-i şer‘-i şerîfde takrîr-i kelâm edip zevcim olup gāib ani’l-meclis Halil b. Receb bundan akdem beni tatlîk etmekle mezbûrun firâşından hâsıl işbu hucr ve terbiyyemde sadriye sagīre kızları Rukiye ve Ayşe’yi bilâ-nafaka bırakıp âhar diyâra gitmekle sagīretân-ı mezbûretânın nafaka, kisve ve sâir levâzım-ı mühimmeleriyçün babaları üzerine kadr-i ma‘rûf nafaka farz ve takdîr olunmak matlûbumdur dedikde hâkim-i muvakki‘-i sadr-ı kitâb -tûbâ-lehû ve hüsnü me’âb- hazretleri dahi sagīretân-ı mezbûretânın nafaka ve kisve ve sâir levâzım-ı mühimmeleriyçün babaları mezbûr üzerine târih-i kitâbdan beher yevm her birine yedişer akçe farz ve takdîr edip meblağ-ı mefrûz-ı mezkûru sagīretân-ı mezbûretânın nafaka ve kisve ve sâir levâzım-ı mühimmelerine harc ve sarfa ve lede’z-zafer [hâce] istidâneye ve inde’z-zafer babaları mezbûr Halil üzerine rücû‘a mezbûr Hâmide Hâtun’a izin vermeğin mâ vaka‘a bi’t-taleb ketb olundu. Fi’l-yevmi’r-râbi‘ min şehri Ramazâni’l-mübârek li sene seb‘a ve tis‘în ve elf. Şuhûdü’l-hâl: İbrahim Çelebi b. Mehmed, İsmail b. Hüseyin, Mehmed b. İdris, Ebûbekir b. Hüseyin.