İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 244 Hüküm no: 245 Orijinal metin no: [52b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen Hasan Bey’in ilk hanımı olan Şevki Hanım’a mehir borcu olduğu, bunun müşterek kızları Lalezar Hanım’a ödenmesi Udûlden Nasuh Bey ve Behram Bey ibney Abdullah nâm kimseler meclis-i şer‘a hâzırân olup hâl-i hayatında mahmiye-i Kostantıniyye mahallâtından Davudpaşa mahallesinde sâkin iken bundan akdem tarîk-ı Hicaz’da vefât eden merhûm Hasan Bey b. Abdullah’ın zevcesi ve vârisi olan ve husûs-ı âti’l-beyânı münkire bulunan Lalezar bt. Abdullah nâm hatun mahzarında, kendisinden önce vefât eden ve verâseti müteveffâ-yı mezkûr Hasan Bey’e ve âti’z-zikr Râziye nâm kızına münhasır bulunan Şevki bt. Abdullah nâm zevce-i sâbıkāsından doğma Râziye bt. Hasan Bey nâm hatun kıbelinden âti’z-zikr da‘vâya vekâleti bimâ hüve nehcü’s-sübût şer‘an sâbit olan fahrü’l-emâsil ve’l-akrân Hüseyin Ağa b. Murad’dan vekâleten sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffât-ı mezkûre Şevki Hatun’un müteveffâ-yı mastûr Hasan Bey’in zimmetinde nikâhında ma‘kūdun aleyh olan mehri müecceli cihetinden râyicü’l-vakt sekiz bin akçe-i Osmânî hakkı vardır. Şehâdeten sahîhaten şer‘iyeten makbûleten ba‘de ca‘li şerâiti’l-kabûl mer‘iyeten, müteveffâ-yı mezbûrun hissesi olan rub‘u ihrâc edildikten sonra altı bin akçenin müvekkile-i merkūme Râziye hatuna edâsına meblağ-ı mezbûrdan hissesini bi-vechin mine’l-vücûh almadığına ve ibrâ etmediğine dâir yemîn verildikten sonra hâkim şehâdetleri mûcebince hükmetti. Cerâ zâlike ve hurrire fî-evâsıtı Cumâdelûlâ min-şühûri sene elf. Şühûdü’l-hâl: Mustafa Bey b. Abdullah ez-zevvâk-ı sultânî, Nasuh Bey b. Abdullah el-cündî, Sinan Bey b. Abdullah, Hüseyin Bey b. Abdullah es-silâhî, Ahmed Bey b. Abdullah, Mahmud Bey b. Abdullah, Murad Bey b. Abdullah, Mustafa b. Mahmud, el-muhzır, Mehmed b. Ramazan el-muhzır ve gayruhum