İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 251 Hüküm no: 258 Orijinal metin no: [54b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamza b. Abdullah’ın ölen Süleyman Çavuş’tan alacağı olduğu Yusuf Bey b. Abdullah el-cündî ve Hasan Çelebi b. el-Hâc Bâli er-râcil nâm kimseler meclis-i şer‘-i şerîfe hâzırân olup mahmiye-i Kostantıniyye mahallâtından Mustafa Paşa mahallesinde bundan akdem vefât eden Süleyman Çavuş’un Mehmed nâm sagīr oğluna kıbel-i şer‘den mansûb vasî olan ve vesâyet-i mahkiyesi bimâ hüve nehcü’s-sübût şer‘an sâbit olan fahrü’l-akrân Hamza Çavuş b. Hüseyin nâm hasm-ı câhid mahzarında, Hamza b. Abdullah’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûrun müdde‘î-yi mezkûra karz-ı şer‘î cihetinden lâzımü’l-edâ ve vâcibü’l-kazâ râyicü’l-vakt iki bin akçe deyni vardır. Hakkını ahz ü kabz etmediğine, müteveffâyı mezkûrun hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye ibrâ etmediğine dâir müdde‘î-i merkūm tahlîf edilmeğin gıbbe ri‘âyeti şerâiti’l-kabûl, hâkim şehâdetleri mûcebince meblağ-ı mezbûrun müteveffâ-yı mezkûrun muhallefâtından edâsına hükmetti. Cerâ zâlike ve hurrire fî-evâhiri şehri Cumâdelûlâ li-sene elf. Şühûdü’l-hâl: Es-sâbikūn