İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 253 Hüküm no: 260 Orijinal metin no: [55a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Çavuş’un, oğlu Hüseyin Çelebi’ye borcu olduğu Dârü’s-saltanatü’s-seniyye mahmiye-i Kostantıniyye mahallâtından Mustafa Paşa-yı atik mahallesi sükkânından udûlden Mehmed b. Mustafa tabbâh-ı sultânî ve el-Hâc mehmed b. Abdullah er-râcil nâm kimseler meclis-i şer‘a hâzırân olup mahalle-i mezbûrede bundan akdem vefât eden Süleyman Çavuş’un Mehmed nâm sagīr oğluna kıbel-i şer‘den mansûb vasî olan ve vesâyet-i mahkiyesi bimâ hüve nehcü’s-sübût şer‘an sâbit olan fahrü’l-akrân Hamza Çavuş b. Hüseyin nâm hasm-ı câhid mahzarında, merhûm-ı mezbûrun oğlu hâmil-i hâze’l-kitâb Hüseyin Çelebi’den sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, babası müteveffâ-yı mezbûr Süleyman Çavuş hâl-i hayatı ve kemâl-i sıhhatinde müdde‘î-yi mezbûr oğluna karz-ı şer‘î cihetinden lâzımü’l-edâ ve vâcibü’l-kazâ râyicü’l-vakt kırk bin akçe-i Osmânî deyni olduğunu bizim yanımızda ve katımızda ikrâr ve i‘tirâf etmişti. Hakkını ahz ü kabz etmediğine, müteveffâyı mezkûrun hâl-i hayatında hakkını başkasına havâle etmediğine, zimmetini bi-vechin mine’l-vücûhi şer‘iye ibrâ etmediğine dâir müdde‘î-i merkūm tahlîf edilmeğin gıbbe ri‘âyeti şerâiti’l-kabûl, hâkim şehâdetleri mûcebince meblağ-ı mezbûrun müteveffâ-yı mezkûrun muhallefâtından edâsına hükmetti. Cerâ zâlike ve hurrire fî-evâhiri şehri Cumâdelûlâ li-sene elf. Şühûdü’l-hâl: Es-sâbikūn