İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 278 Hüküm no: 300 Orijinal metin no: [63a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kaldırımcı Andre ve Dimo’nun alacakları olduğu Budur ki Kaldırımcı Andre v. İstimad ve Dimo v. Nikola nâm zimmîler mehter iken vefât eyleyen (…) b. Abdullah’ın zimmetinde beş bin dört yüz akçe isbât eyleyen mezbûrûn zimmîler meclis-i şer‘-i kavîmde (…) mezbûrun muhallefâtına vâzı‘ü’l-yed olan aynü’l-a‘yân Mustafa Çelebi b. Ahmed mahzarında ikrâr edip müteveffâ-yı mezbûr zimmetinde isbât eylediğimiz beş bin dört yüz akçe’i bi’t-tamam emîn-i mûmâ-ileyh yedinden alıp kabz eyledik. Zimmetinde bir akçe ve bir habbe bâkī kalmadı dedikde mukırrân-ı merkūmânı ikrâr-ı meşrûhlarında mukarrun lehü’l-mezbûr Mustafa Çelebi tasdîk etdikden sonra işbu vesîka ber sebîl-i temessük vaz‘ olundu. Tahrîren fî-evâili Muharremi’l-harâm sene selâse elf. Şühûdü’l-hâl: Mevlana Sinan Efendi b. Pîr Mehmed, Mehmed Çelebi b. Seydi Çelebi, Mustafa b. İlyas, Mehmed b. Ramazan.