İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 279 Hüküm no: 301 Orijinal metin no: [63a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed adlı çocuğa nafaka takdiri Mahmiye-i Kostantıniyye mahallâtından Kabasakal mahallesinde bundan akdem vefât eden merhûm Mehmed Çavuş’un Ahmed nâm sagīr oğlunun nafakası, kisvesi ve sâir havâic-i zarûriyesi için, hacrı ve terbiyesi altında bulunduğu anasının talebiyle, müteveffâ-yı mezbûr babasından irs-i şer‘î ile intikāl eden emvâlden alınmak üzere, zeylde mezkûr târihden itibâren yevmî râyicü’l-vakt beş akçe farz ve takdîr edildi. Hâkim, meblağ-ı mefrûz-ı mezbûru sagīr-i merkūmun levâzımât ve mühimmâtına sarfına ve vakt-i hâcetde istidâne edip vakt-i zaferde rucû‘una mezbûreye izin verdi. Cerâ zâlike ve hurrire fi’l-yevmi’s-sânî min-Muharremi’l-harâm li-sene selâse ve elf. Şühûdü’l-hâl: Muslihuddin b. Mahmud, Mehmed b. Ramazan, Mustafa b. İlyas, Ferhad b. Abdullah