Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 506 Hüküm no: 605 Orijinal metin no: [104a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ömer b. Abdullah’ın altınını gasbettikleri iddiasını ispat edemediği Mahmiye-i İstanbul’da Gürcü tâifesinden Ömer b. Abdullah nâm şâb meclis-i şer‘de râfi‘ü’l-kitâb Ahmed Çavuş b. Hüseyin ve abd-i memlûkü Şâhin b. Abdullah mahzarlarında üzerlerine da‘vâ ve takrîr-i kelâm edip bundan akdem merkūm Ahmed Çavuş hizmetinde iken mezbûrân Ahmed Çavuş ve Şâhin beni darb ve üzerimde lâbis olduğum dolamada mevcûd pullu yaldız altınımı bi gayri hakkın ahz u kabz etmişlerdir suâl olunup meblağ-ı mezbûrun alıverilmesi matlûbumdur dedikde gıbbe’s-suâl ve akībe’l-inkâr, müdde‘î-i mezbûrdan müdde‘âsına beyyine taleb olundukda ityân-ı beyyineden izhâr-ı acz ile istihlâf etmeğin fi’l-hakīka müdde‘î-i mezbûr Ömer’in vech-i muharrer üzre yüz elli yaldızlı yaldız altınını ahz u kabz etmeyip ol vechile meblağ-ı mezbûrun edâsı üzerlerine lâzım gelmediğine mezbûrân Ahmed Çavuş ve Şâhin’e yemîn teklîf olundukda anlar dahi hasbe’l-mes’ûl her biri yemîn billâhi te‘âlâ etmeğin mu‘ârazadan men‘ olunup [mâ vaka‘a bi’t-taleb ketb olundu]. Fi’l-yevmi’s-sânî min şehri Ramazâni’l-mübârek li sene seb‘a ve tis‘în ve elf. Şuhûdü’l-hâl: İbrahim Çelebi b. Ahmed, Mehmed b. Mustafa, Mehmed b. İdris, Ali b. Bâli.