İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 312 Hüküm no: 363 Orijinal metin no: [72a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen Ahmed Çavuş’un mal bedelinden Sarraç Hacı Mustafa’ya borcu olduğu Hemdem b. Abdullah ve Hüseyin b. Abdullah nâm kimseler meclis-i şerî‘at-i şerîfe-i garrâ ve mahfil-i tarîkat-i münîfe-i zehrâya hâzırân olup südde-i seniyyede kāid iken mahmiye-i Kostantıniyye mahallâtından Mustafa Bey mahallesinde vefât eden merhûm-ı mebrûr Ahmed Çavuş b. Abdülgaffur’un zevcesi ve vârisi fahrü’l-muhadderât Âbide hatun bt. Mehmed kıbelinden husûs-ı âti’l-beyâna vekâleti bimâ hüve nehcü’s-sübût şer‘an sâbit olan aynü’l-a‘yân Sefer Çavuş b. Ferhad nâm hasm-ı câhid mahzarında, Sarrâc Hacı Mustafa b. Abdullah’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı mezbûrun zimmetinde müşterâ-yı makbûz emti‘a semeninden müdde‘î-yi merkūma râyicü’l-vakt dört bin yedi yüz yetmiş akçe deyni vardır. Şehâdeten sahîhaten şer‘iyeten makbûleten ba‘de ca‘li şerâiti’l-kabûl mer‘iyeten, küllen ve ba‘zan meblağ-ı mezbûru kendisinden veyâ vekîlinden almadığına ve bi-vechin mine’l-vücûh zimmetini ibrâ etmediğine dâir müdde‘î-yi merkūm tahlîf edilmeğin şehâdetleri mûcebince hükmedildi. Cerâ zâlike ve hurrire fî-evâili şehri Cumâdelûlâ sene selâse ve elf. Şühûdü’l-hâl: Ahmed Çelebi b. Mehmed el-müderris, mevlana Ahmed Çelebi b. Osman, Mustafa b. Mahmud, Mehmed b. Ramazan