Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 515 Hüküm no: 617 Orijinal metin no: [106b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ebûbekir b. Abdülbâki’nin câriyesi Timurhan’ı azat etmesi Mahrûse-i Galata’ya tâbi‘ Kasaba-i Kasımpaşa’da Küçük Piyâle Paşa mahallesinde sâkin umdetü’l-müderrisînü’l-kirâm Ebûbekir Efendi b. Abdülbâkī Efendi tarafından ıtk-ı âti’z-zikri ikrâra sâbitü’l-vekâle vekîl olan Abdurrahman Efendi b. İshak meclis-i şer‘-i şerîf-i enverde bi’l-vekâle ikrâr-ı tâm ve takrîr-i kelâm edip müvekkilim mûmâ-ileyh Ebûbekir Efendi kendiye rıkkını i‘tirâf eden işbu açık kaşlı sarı ala gözlü orta boylu Lehiyyetü’l-asl hâmiletü hâzihi’l-kitâb Timurhan bt. Abdullah nâm câriye-i memlûkesini hasbeten lillâhi te‘âlâ ve hasbeten li rûhi resûlihi’l-mu‘allâ malından tahrîr ve i‘tâk ve kayd-ı rıkkıyyetden ıtlâk ve kazâ-i hürriyete idrâc ve ilhâk eyledi fîmâ ba‘d mevsûfe-i mezbûre Timurhan sâir harâir-i asliyyât gibi hürre olmuşdur dedikde mâ hüve’l-vâki‘ bi’t-taleb ketb olundu. Fî evâili şehri Ramazâni’l-mübârek li sene seb‘a ve tis‘în ve elf. Şuhûdü’l-hâl: Umdetü’l-müderrisîn Abdullah Efendi b. Halil, umdetü’l-muhakkikīni’l-fihâm es-Seyyid Abdülmu‘tî Efendi, Ahmed Efendi b. Mustafa el-Kâtib, Hüseyin Efendi b. Ahmed el-Kâtib, Ahmed Efendi b. Yusuf, Ali Efendi Niğdevî, sipâhi İbrahim Efendi bi Hamîdî, Karagöz Hüseyin Efendi.