İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 403 Hüküm no: 500 Orijinal metin no: [95b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmal tarafından zabtedilen Hüseyin’in mehir borcu olduğu es-Seyyid Mustafa b. es-Seyyid Hüseyin ve el-Hâc Murad b. Abdullah nâm kimseler meclis-i şer‘a hâzırân olup mahmiye-i Kostantıniyye mahallâtından Bostancıbaşı mahallesinde bundan akdem vefât eden sarrâc-ı sultânî merhûm Hüseyin b. Mahmud’un muhallefâtına vâzı‘-ı yed olan, mahmiye-i mezbûrede vâki‘ sarrâclara mahsûs beytü’l-mâle emîn olan Mustafa Bey b. Ahmed’in mahzarında, merhûm-ı mezbûrun zevcesi ve vârisi Âişe Hatun bt. Mahmud’dan sâdır olan da‘vâ-yı sahîha-i şer‘iyede gıbbe’l-istişhâd şöyle şehâdet ettiler ki, müteveffâ-yı merkūmun zimmetinde müddeiyye-i mezbûrenin nikâhında ma‘kūdun-aleyh olan mehr-i müecceli cihetinden râyicü’l-vakt beş bin akçe hakkı vardır. Şehâdeten sahîhaten şer‘iyeten makbûleten ba‘de ca‘li şerâiti’l-kabûl mer‘iyeten şehâdetleri mûcebince hükmedildi. Fî-evâili Ramazan sene 1005. Şühûdü’l-hâl: Mehmed b. Behram, Perviz b. Abdullah, Mehme db. Ramazan ve gayruhum