Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 517 Hüküm no: 621 Orijinal metin no: [107b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mimar Sinan Vakfı mütevellisinin Çukadâr Mehmed Ağa’da alacağının kalmadığı Mahmiye-i İstanbul’da vâki‘ ashâb-ı hayrâtdan merhûm Mi‘mâr Sinan evkāfına mütevellî olan Mehmed Çelebi b. Sâlih Çelebi meclis-i şer‘-i şerîf-i enverde sâbıkan Ebü’l-feth ve’l-megāzî Sultan Mehmed Hân Gāzi vakfı mütevellîsi olan bâ‘isü hâze’l-kitâb Çukadâr Mehmed Ağa tarafından husûs-ı âti’l-beyâna vekîl olup Süleyman b. Abdullah ve İsmail şehâdetleriyle şer‘an vekâleti sâbite olan Abdullah Efendi b. Ali mahzarında ikrâr ve takrîr-i kelâm edip müvekkilim mûmâ-ileyh ile beynimizde nice ahz u i‘tâ vâki‘ olmağla hâlâ beynimizde olan hesâbımız gördükde mütevellîsi olduğum vakf-ı mezbûr malından muhâsebe defteriyle mastûr olduğu üzre merkūm Mehmed Ağa’da mâl-ı vakf elli guruş ve kendi malından elli guruş alacağım zuhûr etmekle meblağayn-i mezbûreyni bi’t-tamâm alıp kabz edip târih-i kitâba gelince beynimizde cereyân eden ahz u kabz merkūm Mehmed Ağa’da bir akçe ve bir habbe kalmayıp bi vechin mine’l-vücûh da‘vâ ve nizâ‘ım kalmamışdır dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâmis min şehri Ramazâni’l-mübârek li sene seb‘a ve tis‘în ve elf. Şuhûdü’l-hâl: Selim b. Abdullah, el-Hâc Mehmed b. ( ), Ebûbekir Çelebi b. ( ), Mustafa b. Abdullah.