İstanbul Mahkemesi 191 Numaralı Sicil (H. 1000-1027 / M. 1591-1617) cilt: 44, sayfa: 416 Hüküm no: 525 Orijinal metin no: [99b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Raziye bt. Rıdvan’ın muhallefatı Mahrûse-i İstanbul’da vâki‘ kiliseden münkalib Câmi‘-i şerîf mahallesinde vefât eden merhûm Râziye bt. Rıdvan’ın verâseti zevci Hasan Ağa b. Hacı’ya ve sagīre kızı Müjde’ye ve li-ebeveyn karındaşı Ümmügülsüm Hatun’a münhasıra olup mûmâ-ileyhâ Ümmügülsüm Hatun tarafından husûs-ı âtîye ale’n-nehci’ş-şer‘î vekâleti sâbite olan yine zevci Hüseyin Çavuş bin Fethullah mahfil-i kazâda müteveffât-ı mezbûrenin zevci ve vârisi ve sagīre-i mezbûrenin kıbel-i şer‘den mansûb vasîyy-i şer‘îsi olan mezkûr Hasan Ağa mahzarında <> takrîr-i merâm edip mezbûre Râziye vefât etdikde beynlerinde ilm-i şer‘î ile ma‘lûm muhallefâtına mezkûr Hasan Ağa <> asâlet ve vesâyet hasebiyle vâzı‘ü’l-yed olmuş idi. El-hâletü hâzihî şerâiti hâvî muvâza‘adan ârî tehârüc vechi üzere müvekkilem mezbûre Ümmügülsüm Hatun [100a] (…) kırk bir bin nakd-i râyic (…) sulh-ı mezbûru kabûl etdi dedikde gıbbe’t (…) (…) sene hamse ve elf. Şühûdü’l-hâl: Mehmed Çavuş b. Mustafa, Mehmed b. Hamza, Ahmed b. ( ), Ali Paşa mîr-i mîrân-ı Anadolu, Hasan Çavuş