Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 519 Hüküm no: 623 Orijinal metin no: [108a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Osman’ın câriyesi Rukiye’yi azat etmesi Mahmiye-i İstanbul’da Mi‘mâr Sinan mahallesi sâkinelerinden olup zâtı zevci Eyyûb b. Mehmed ve Osman Beşe b. Abdullah ta‘rîfleriyle mu‘arrefe olan Emine bt. Osman nâm hâtun meclis-i şer‘-i şerîfde ikrâr ve takrîr-i kelâm edip bana rıkkını mu‘terife olan işbu uzun boylu sarı açık kaşlı ala gözlü Rûsiyyetü’l-asl bâ‘isetü hâzihi’l-vesîka Rukiye bt. Abdullah nâm câriye-i memlûkemi, hasbeten lillâhi’l-meliki’l-Hallâk ve taleben li merzâti’r-rabbi’r-Rezzâk malımdan tahrîr ve i‘tâk ve zümre-i harâir-i asliyyâta idrâc ve ilhâk eyledim ba‘de’l-yevm mevsûfe-i mezbûre Rukiye sâire harâir-i asliyyât gibi hürre olmuşdur üzerinde velâ-i şer‘îden gayrı hakkım kalmadı dedikde mâ vaka‘a bi’t-taleb ketb olundu. Fi’l-yevmi’l-âşir min şehri Ramazâni’l-mübârek li sene seb‘a ve tis‘în ve elf. Şuhûdü’l-hâl: Mehmed Emin el-İmâm, Hasan Halîfe el-Müezzin, Ali Efendi el-Müderris, kavukçu Mustafa Çelebi, dellâk Mahmud Beşe, İsmail Çelebi b. Mustafa.