İstanbul Mahkemesi 211 Numaralı Sicil (H. 1278-1279 / M. 1862-1863) cilt: 98, sayfa: 293 Hüküm no: 191 Orijinal metin no: [39b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tütüncü esnâfından Hacı Mehmed Ağa b. Hacı Ebubekir Ağa’nın üvey annesi Ayşe Hanım bt. Abdüsselam’dan borç alması İktirâz 12000 guruş Mahmiye-i İstanbul’da Aksaray kurbünde Gureba Hüseyin Ağa mahallesinde sâkin tütüncü esnâfından el-Hâc Mehmed Ağa b. el-Hâc Ebubekir Ağa meclis-i şer‘-i şerîf-i münîrde üvey vâlidesi mahalle-i mezkûrede sâkine zâtı ta‘rîf-i şer‘î ile mu‘arrefe olan bâ‘isetü’l-kitâb Âişe Hanım bt. Abdüsselam mahzarında ikrâr-ı tâm ve takrîr-i kelâm edip üvey vâlidem mezbûre Âişe Hanım bana mâlından bilâ nemâ-i şer‘î on iki bin guruş ikrâz ve teslîm eylediğinde ben dahi iktirâz ve kabz ve umûruma sarfla istihlâk edip meblağ-ı merkūm on iki bin guruş zimmetimde cihet-i mezkûreden mezbûre Âişe Hanım’a vâcibü’l-edâ ve lâzimü’l-kazâ sahîhan deynimdir dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fî 2 Şa‘bân sene 1279 Şuhûdü’l-hâl: Tütüncü esnâfının kethüdâsı vekîli Ahmed Efendi [b.] Osman, Duhân tüccârından Geredeli Ali Ağa b. Mehmed, Duhân tüccârından Geredeli el-Hâc Hüseyin Efendi b. el-Hâc İbrahim, Muhzır Şakir Ağa b. ( ), Muhzır Ahmed Ağa b. ( ), ve gayruhum