Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 532 Hüküm no: 643 Orijinal metin no: [112a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. Dimitri’nin Mirza Reis v. Simon’da alacağı olduğu Mahmiye-i İstanbul’da Balatkapısı kurbunda Karabaş mahallesinde sâkin bâ‘isü hâze’l-vesîka Yorgi v. Dimitri nâm zimmî meclis-i şer‘-i şerîfde Yeniköylü Mirza Reis v. Simon nâm zimmî muvâcehe[sinde] üzerine da‘vâ ve takrîr-i kelâm edip bundan akdem mezbûr Mirza Reis zimmetinde cihet-i karzdan iki yüz esedî guruş hakkım olup taleb eylediğimde bana edâdan imtinâ‘ eder suâl olunup alıverilmesi matlûbumdur dedikde gıbbe’s-suâl mezbûr Mirza Reis cevâbında kaziyye minvâl-i meşrûh üzre olup [112b] cihet-i mezkûreden müdde‘î-i mezbûr zimmetinde vâcibü’l-edâ ve lâzımü’l-kazâ iki yüz esedî guruş deyni olduğunu ikrâr etmeğin mûcebiyle meblağ-ı mezbûr iki yüz guruşu müdde‘î-i mezbûra edâ ve teslîme merkūm Mirza Reis’e tenbîh olunup mâ vaka‘a bi’t-taleb ketb olundu. Fi’l-yevmi’s-sânî aşer min şehri Ramazâni’l-mübârek li sene seb‘a ve tis‘în ve elf. Şuhûdü’l-hâl: İbrahim Çelebi b. Ahmed, Mustafa Çelebi b. el-Hâc Ahmed, Hüseyin b. Mahmud, Dimitraki v. Yani, Aritun v. Meryep.