Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 536 Hüküm no: 648 Orijinal metin no: [113a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Ağa b. Ahmed’in İsmail Çelebi b. Hacı Osman’da olan alacağını tahsil ettiği Beş yüz guruş hüccetidir. Mahmiye-i İstanbul’da Mi‘mâr Kemal mahallesi sükkânından İbrahim Ağa b. Ahmed Ağa meclis-i şer‘-i şerîf-i enverde üveyi babası işbu râfi‘ü’l-kitâb İsmail Çelebi b. el-Hâc Osman mahzarında ikrâr ve takrîr-i kelâm edip bundan akdem mezbûr İsmail Çelebi’ye bir def‘a üç yüz esedî guruş ve bir def‘a iki yüz esedî guruş idâne ve teslîm ol dahi istidâne ve kabz etmişidi hâlâ meblağayn-i mezbûreyn cem‘an beş yüz esedî guruş mezbûr İsmail Çelebi bana edâ ve teslîm ben dahi yedinden bi’t-tamâm ahz u kabz eyledim min ba‘d meblağ-ı merkūm beş yüz guruşdan mezbûr İsmail Çelebi zimmetinde bir akçe ve bir habbe bâkī kalmadı dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevm aşer min şehri Ramazâni’l-mübârek li sene seb‘a ve tis‘în ve elf. Şuhûdü’l-hâl: El-Hâc Hüseyin Çelebi b. Osman, Abdullah Çelebi b. Mehmed, berber usta Ali b. ( ), İzmirî Mustafa, Hüseyin Çelebi el-Attâr, İbrahim Çelebi.