Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 536 Hüküm no: 649 Orijinal metin no: [113a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsayi v. Kirkor’un alacağına kefil olan Yorgi v. Franko’nun kefil olduğu 200 kuruşu ödediği Mahmiye-i İstanbul’da Edirnekapısı kurbunda sâkin İsayi v. Kirkor nâm Ermeni meclis-i şer‘-i şerîf-i enverde işbu râfi‘ü’l-vesîka Yorgi v. Franko nâm zimmî muvâcehesinde ikrâr-ı tâm ve takrîr-i kelâm edip gāib [ani’l-]meclis Nikola v. Hristodoli nâm zimmî zimmetinde cihet-i karz-ı şer‘îden altı yüz guruş hakkım olup meblağ-ı mezkûr merkūm Yorgi emr ve kabûlü hâviye kefâlet-i sahîha-i şer‘iyye ile kefîl olmuşdu el-hâletü hâzihî meblağ-ı mezbûr altı yüz esedî guruşun iki yüz guruşunu mezkûr Yorgi yedinden kefâletine binâen alıp kabz edip mâ‘adâda kefâletinden mezkûr Yorgi’yi ibrâ ve iskāt eyledim min ba‘d kefâlete müte‘allika mezbûr ile bi vechin mine’l-vücûh da‘vâ ve nizâ‘ım kalmamışdır dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâlis aşer min şehri Ramazan li sene seb‘a ve tis‘în ve elf. Şuhûdü’l-hâl: Veli Efendi b. ( ), Mehmed b. İbrahim, İbrahim Çelebi b. Hasan, Mehmed b. İdris.