İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 63 Hüküm no: 6 Orijinal metin no: [2-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berat gecesinde minarelerin kandil ile süslenmesi İstanbul kādısı fazîletlü efendi hazretleri, şehr-i Şa‘bân-ı şerîf gurresi yevm-i Cum‘a’dan mu‘teber olarak bu cihetle işbu Cuma gecesi leyle-i Berât-ı mağfiret-âyât olduğunu mutazammın i‘lâmları huzûr-ı lâmi‘u’n-nûr-ı hazret-i tâc-dârîye lede’l-arz leyle-i mübâreke-i mezkûrede ber-mu‘tâd bi’l-cümle cevâmi‘ ve mesâcid-i şerîfe minârelerinin [îkād-ı] kanâdîl ile tezyîn olunması husûsuna irâde-i seniyye-i cenâb-ı pâdişâhî müte‘allik ve şeref-sudûr buyurulmuş olmağla keyfiyetin iktizâ edenlere tenbîh edilmesi husûsuna himmet eyleyeler deyü. Fî 11 Şa‘bân sene 1281 ve fî 28 Kânûn-ı evvel sene [1]280.