İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 99 Hüküm no: 61 Orijinal metin no: [30-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstida ve diğer evrakın havale hüccetine mahsus mühürle mühürlenmesine başlanmışsa da önceden cemiyet mühürü ile mühürlü olan evrakın da kabul edilmesi 137 Makām-ı sâmî-i hazret-i Meşîhat-penâhîye Ma‘rûz-ı bende-i dîrîneleridir ki, Havâle ve İcrâ Dâiresi’nin teşkîlinden berü ve havâle olunagelen kâffe-i müsted‘iyât ve evrâk-ı sâirenin havâle hüccetine mahsûs mührüyle tahtîm kılınmakda olmasıyla dâire-i mezbûrenin teşkîlinden mukaddem De‘âvî Nezâreti’nden mehâkim-i şer‘iye ve devâir-i sâireye havâle olunmuş olan evrâk cem‘iyet mührüyle mühürlü olduğundan i‘âde kılınmakda olup hâlbuki kable’t-teşkîlât havâle ve mu‘âmele-i kaydiyesi icrâ edilmesi ve idâre-i sâbıkaya mahsûs kayıdlı lafzı mahtûm mühür ile mühürlenmiş olan evrâkın tekrar cem‘iyet mührüyle mühürlenmesine hâcet olmadığı gibi muahharan ittihâz olunan usûlün mâ-kabline şumûlü olamayacağı derkâr olmasıyla fî 3 Cumâdelûlâ sene [1]287 târihinden mukaddem mezkûr kayıdlı mührüyle havâle kılınmış olan istid‘ânâmelerin kemâ-fi’s-sâbık kabûlü münâsib olduğunun savb-ı sâmî-i Meşîhat-penâhîleriyle devâir-i sâireye iş‘ârı Dîvân-ı Ahkâm-ı Adliye Havâle Cem‘iyeti’nden bâ-müzekkire ifâde kılınmış olmağla taraf-ı vâlâ-yı cenâb-ı Fetvâ-penâhîden lâzım gelenlere icrâ-yı vesâyâ-yı lâzıme buyurması bâbında emr ü irâde hazret-i men-lehu’l-emrindir. Fî 4 Cumâdelâhire sene [12]87, fî 19 Ağustos sene [12]86.