İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 108 Hüküm no: 72 Orijinal metin no: [36-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abaza tercümanı Hüseyin Ağa’nın istifası ile yerine Hasan Bey’in tayini Tercüman ta‘yîni Huzûr-ı ma‘âlî-nüşûr-ı cenâb-ı Meşîhat-penâhîye Muhâcirîn İdâresi’nden Ma‘rûz-ı bende-i dîrîneleridir ki, Bâb-ı vâlâ-yı Meşîhat-penâhîlerinde müstahdem Abaza tercümanı Hüseyin Ağa’nın vukū‘-ı isti‘fâsına mebnî yerine nasb u ta‘yîn olunan Hasan Bey bu kerre huzûr-ı âlî-i Fetvâ-penâhîlerine i‘zâm kılınmış ve ma‘iyyet-i aliyye-i Fetvâ-penâhîlerinde bulunup vukū‘ bulacak emr ü irâde-i aliyye-i veliyy-i ni‘amîleri vechile îfâ-yı vezâif-i me’mûriyete i‘tinâ eylemesi hakkında tenbîhât-ı mukteziye îfâ olunmuş olmağın ol bâbda emr ü fermân hazret-i men-lehu’l-emrindir. Fî 8 Muharrem sene [12]89 ve fî 6 Mart [12]88. Veliyüddin