İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 120 Hüküm no: 91 Orijinal metin no: [44-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ermeni katolikleri ile diğerlerinin ilmühaberlerinin Mezahib Odası tarafından tasdiki Makām-ı âlî-yi hazret-i Meşîhat-penâhîye Zarfının mührü Beylikçi-yi Dîvân-ı Hümâyûn Ma‘rûz-ı bende-i dîrînleridir ki, Ermeni katoliği milletiyle milel-i sâireden istek edenlerin ferâğ ve intikālât ve husûsât-ı sâireye dâir ahz edecekleri ilmühaberlerin muvakkaten Mezâhib Odası’ndan mühr-i mahsûs ile tasdîki mukarrer olarak bunun için ta‘yîn ve tahdîd olunan müddet evvelce arz ve iş‘âr olunmuş idi. Müddet-i mezkûre işbu Nisan nihâyetinde münkazî olmak üzere bulunmuş ise de biraz daha temdîdiyle bu bâbda ileride bir karâr ve iş‘âr vukū‘una kadar mühr-i mezkûrun ma‘mûlün-bih tutulması tensîb buyurulmuş olmağla beyân-ı hâle ibtidâr kılındı. Ol bâbda emr ü fermân hazret-i veliyyü’l-emrindir. Fî 10 Rebî‘ülevvel sene [12]90 ve fî 26 Nisan sene [12]89.