İstanbul Mahkemesi 334 Numaralı Sicil (H. 1280-1329 / M. 1863-1911) cilt: 99, sayfa: 133 Hüküm no: 104 Orijinal metin no: [50-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekelerde bulunan mücevheratın satışından binde yirmi beş guruş resm alınması Taraf-ı âlî-yi hazret-i Meşîhat-penâhîye Şehremâneti cânibinden Ma‘rûz-ı bende-i dîrîneleridir ki, Dersa‘âdet mücevherât resmi bu sene emâneten idâre olunmakda olduğu cihetle mehâkim-i şer‘iye ma‘rifetiyle tahrîr olunan terekelerde mücevherât bulunur ise ber-mûceb-i nizâm binde yirmi beş guruş resmin ahz ü istifâsı zımnında cânib-i emânetden ta‘yîn olunan me’mûrların esnâ-yı müzâyedede bulundurulması husûsunun lâzım gelenlere emr ü tenbîhi merhûn-ı müsâ‘ade-i ma‘âlî-âde-i hazret-i Fetvâ-penâhîleri olmağın emr ü fermân hazret-i veliyyü’l-emrindir. Fî 7 Safer sene [12]91 ve fî 13 Mart sene [1]290. Ahmed Şevket